O‘zbekiston respublikasi xalq ta’limi vazirligi samarqand viloyati xalq ta’limi xodimlarini qayta tayyorlash va ularning malakasini oshirish hududiy markazi tillarni o‘qitish metodikasi kafedrasi

Amaliy mashg’ulot uchun topshiriqlar

1-topshiriq. 1-ish. Berilgan so’z birikmalarini otli, fe‘lli so’z birikmalariga ajrating: 1) ishonchli do’st, oq kabutar, qizargan olma; 2) do’stona maslahat, g’oyat qiziqarli, o’zbekcha nutq; 3) qiyinchilikni yengmoq, devorni buzmoq, daraxtga chiqmoq; 4) hovlining o’rtasi, qushning qanoti, do’stning maktubi.

2-ish. So’z birikmalaridagi hokim va tobe so’zlarni aniqlang, Shu asosda so’z birikmalarini aniqlovchi, to’ldiruvchi va holli birikmalarga ajratib yozing.

2-topshiriq. Berilgan birliklarni o’zaro taqqoslang, o’xshash va farqli jihatlarini izohlashga harakat qiling: yoqimli musiqa – musiqa yoqimli, yozuvchi Oybek – Oybek yozuvchi, ko’p kitob – kitob ko’p, qiziqarli kitob – kitob qiziqarli, mazali ovqat – ovqat mazali.

3-topshiriq. 1-ish. Berilgan til birliklarining o’xshash va farqli jihatlarini sharhlang: bosh og’rig’i – boshog’rig’i, oq qush – oqqush, qizil urug’ – qizilurug’, katta qo’rg’on – Kattaqo’rg’on, tosh qo’rg’on – Toshqo’rg’on, uch qo’rg’on – Uchqo’rg’ғon.

2-ish. Til birliklari ishtirokida gaplar tuzing.

4-topshiriq. Quyidagi jadvalda berilgan so’z birikmasi va gaplarni o’zaro taqqoslang. Ularning umumiy xususiyatlarini sharhlang.