O‘zbekiston respublikasi xalq ta’limi vazirligi samarqand viloyat xalq ta’limi xodimlarini qayta tayyorlash va ularning malakasini oshirish hududiy markazi

Qo‘l harakatini mashq qildirish usuli. Qo‘l harakatini mashq qildirish usuli bolalarning charchagan a’zolarini dam olishiga va yozuv sifatiga katta ta’sir etadi. O‘quvchilar dars jarayonida bajariladigan mashqlar oddiy bo‘lib, kam vaqt olishi o‘quvchining jismoniy jihatdan o‘sishiga, qo‘l va barmoqlarning chiniqishiga, qaddi-qomatining to‘liq, erkin tutilishiga yordam berishi lozim. Yozuv darsida 8-10 daqiqa o‘tgandan so‘ng o‘quvchilar betoqat bo‘lib charchash alomatlari ko‘zga tashlanadi.

Mana shunday holatda o‘quvchilarning charchashlariga ahamiyat bermay ko‘p yozdirish natijasida o‘quvchi toliqadi, harakatlari sustlashadi, xati xunuklashadi, ko‘p xatoga yo‘l qo‘yadi.

Shu sababli charchashning oldini olish uchun vaqti-vaqti bilan jismoniy mashqlar o‘tkazib borish zarur.

Jismoniy mashq izchil o‘tkazib borilsa, keyin esa yozishga kirishilsa, o‘quvchilarning ish qobiliyati tiklanadi va darsga qiziqishi ortadi.

Xullas, ish faoliyati davrida qo‘l harakatini mashq qildiruvchi jismoniy mashqlardan foydalanish Chiroyli yozuvga o‘rgatishning asosiy shartlaridan biridir.

Amaliy vaziyatlarni hal etish uslublari va vositalari, ya’ni keys-stadi (ingilizcha “case”-yig‘ma, aniq amaliy, holat, stadi-o‘quv) texnologiyasi bo‘lib, u tashkilot, shaxslar guruhi yoki alohida shaxslar hayotidan olingan real vaziyat deganidir. Gary Thomas keys-stadiga oid quyidagi tarifni keltirib o‘tadi: Keys stadilar bu shaxslarni, voqealarni, qarorlarni, davrlarni, loyihalarni, qonunlarni, tashkilotlarni va boshqa tizimlarni bir yoki undan ortiq usullar orqali avvaldan o‘rganib kelinayotgan tahlili hisoblanadi. Keysning subyekti tahliliy vaziyatlardir, obyekti esa uni tahlil qilish jarayonidir.

Ta’lim-tarbiya jarayonida keyslardan foydalanish samarali natijalar bermoqda.Husnixat darslarida quyidagicha keyslardan foydalanish mumkin. Birinchi va ikkinchi keyslar tinglovchi muhokamasi uchun, uchunchi va to‘rtinchi keyslar o‘quvchilar uchun qo‘llaniladi.