O‘zbekiston respublikasi xalq ta’limi vazirligi samarqand viloyat xalq ta’limi xodimlarini qayta tayyorlash va ularning malakasini oshirish hududiy markazi

Umumiy o‘rta ta’limning 2018-2019 o‘quv yili tayanch o‘quv rejasi asosida o‘quv dastur va darsliklardagi o‘zgarishlar to‘g‘risida.

2018-2019 o‘quv yilida o‘quv reja, dastur va darsliklarni amaliyotga samarali joriy etish bo‘yicha vazifalar:

Hududiy xalq ta’limi boshqaruv organlari rahbariyatiga:

Yangi o‘quv yiliga tayyorgarlik ko‘rish, o‘quv reja, dastur va darsliklarni amaliyotga joriy etish bo‘yicha qabul qilingan hujjatlar ijrosini belgilangan muddatlarda ta’minlash;

Avgust kengashlari, ta’lim muassaslari pedagogik kengashlarida mazkur vebinar materiallari, metodik tavsiyalarni chuqur o‘rganish, ijodiy yondashgan holda takomillashtirish va amaliyotga joriy etish choralarini ko‘rish;

Pedagog kadrlarga o‘quv reja, dastur va darsliklar mazmunidagi o‘zgarishlar, o‘quv-tarbiya jarayonini tashkil etishning ilg‘or metodlarini qo‘llash bo‘yicha o‘quvlar o‘tkazishda Yilning eng yaxshi fan o‘qituvchilari, mahoratli metodist va amaliyotchilarni jalb etish;

Mahalliy ommaviy axborot vositalarida yangi o‘quv yilining dolzarb muammolari va ularning echimlari, ilg‘or ish tajribalari hamda jamiyatda o‘qituvchi nufuzini oshirishga yo‘naltirilgan materiallarni muntazam yoritib borish;

O‘qituvchilar kasbiy kompetentligini rivojlantirishda Tayanch maktablari faoliyatini qat’iy nazorat asosida tashkil qilish va har bir o‘qituvchiga o‘z ustida ishlash uchun shart-sharoit yaratish choralarini ko‘rish yuklatiladi. Xalq ta’limi tizimida faoliyat olib borayotgan metodistlarga:

Har bir fan bo‘yicha “Ma’rifat” gazetasida chop etilgan metodik tavsiyalarni obdan o‘rganib chiqish va har bir o‘qituvchigacha etib borishini ta’minlash;

Avgust kengashlari sho‘‘ba yig‘ilishlari moderatorlari tarkibini ilg‘or, yuksak mahoratli peadgoglarni jalb qilish va o‘quvlarni jonli trening, tizimda mavjud muammolar va ularning echimlariga yo‘naltirilgan mashg‘ulotlarni tashkil etish;

Pedagog kadrlar uchun o‘quv reja, dastur va darsliklar mazmunidagi o‘zgarishlar, o‘quv-tarbiya jarayonini tashkil etishning ilg‘or metodlarini qo‘llash bo‘yicha dars ishlanmalari, metodik tavsiyalar va turli didaktik materiallarni ishlab chiqish hamda boshqarma, bo‘lim saytlariga muntazam joylab borish;

Fanlar bo‘yicha o‘quvchilar tomonidan davtlat ta’lim standartlari talablarini bajarishda hosil bo‘lgan bo‘shliqlar, murakkab mavzular va o‘qituvchilarning metodik ehtiyojlari asosida Tayanch maktablarining 2018-2019 yilga mo‘ljallangan o‘quv rejalari, o‘quv-metodik materiallarni ishlab chiqish va mashg‘ulotlarni tashkil etish;

O‘qituvchilar kasbiy kompetentligini rivojlantirishda shaxsiy tashabbus, ilg‘or ish tajribalar asosida o‘qituvchilarga manzilli va maqsadli individual hamda hamkorlikdagi metodik yordam berib borish yuklatiladi.