O‘zbekiston respublikasi xalq ta’limi vazirligi samarqand viloyat xalq ta’limi xodimlarini qayta tayyorlash va ularning malakasini oshirish hududiy markazi

KO‘CHMA MASHG‘ULOTLAR MAZMUNI

1-mavzu: Ona tili darslarida bilim, ko‘nikma, malakalarni nazorat qilishning zamonaviy usullari ( 2 soat ko‘chma mashg‘ulot).

Boshlang‘ich sinf ona tili darslarida tashkil etiladigan nazorat va ijodiy topshiriqlarni tashkil etilishini kuzatish. Kompetensiyaviy yondashuv asosidagi davlat ta’lim standarti va o‘quv dasturi bo‘yicha nazorat ishlariga qo‘yiladigan talablarni o‘rganish. Ona tili darslarida o‘quvchilarning grammatik bilimlarini tarkib toptirish jarayonini tahlil qilish. O‘quvchilar nazorat ishlarini tekshirish va tahlil qilishdagi qiyinchiliklarni aniqlash.

2-mavzu: O‘qish darslarida matn ustida ishlash orqali badiiy asarni tahlil qilish kompetensiyasini shakllantirish. Sinfdan tashqari o‘qish darslarini tashkil etishga zamonaviy yondashuv ( 2 soat ko‘chma mashg‘ulot).

O‘qish darslariga qo‘yilgan maqsadlar va ularni amalga oshirilishini kuzatish va tahlil qilish. O‘qish darslarida matn ustida ishlash orqali badiiy asarni tahlil qilish kompetensiyasini shakllantirish jarayonini kuzatish. Sinfdan tashqari o‘qish darslarini tashkil etishdagi innovasiyalarni o‘rganish. O‘qish darsini kuzatish va uni didaktik (ta’limiy) va uslubiy tahlil qilish.