O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning adabiyot fanidan davlat ta’lim standarti va o‘quv dasturi toshkent-2017

27-28-mavzu. Zavqiy. “Ajab ermas” g‘azali, “Ahli rasta” hajviyasi.

(2 soat)

Shoir haqida qisqacha ma’lumot. “Ajab ermas” g‘azalida kelajakka ishonch, yaxshi kunlarga umid tuyg‘usining aks etishi. “Ahli rasta” hajviyasida davr odamlaridagi illatli sifatlarning aks etishi. Asarlarning joziba va ta’sirchanligi.

29-30-mavzu. Maxtumquli. She’rlar. (2 soat)

Maxtumquli hayoti va ijodi haqida qisqacha ma’lumot. Maxtumquli ijodining barcha turkiy xalqlar uchun ham aziz va mo‘tabar ekanligi. Shoir she’rlarida ma’naviy-axloqiy mavzularning ustuvorligi.

“Adolat yaxshi” va shu turkumdagi she’rlarning tahlili. She’rlarda umuminsoniy g‘oyaning ilgari surilgani. Maxtumquli she’rlariga xos badiiy xususiyatlar. Ularning ma’rifiy-tarbiyaviy hamda badiiy ahamiyati.

“Aytishuv” she’rida dialog shaklining namoyon bo‘lishi, personajlarning topqirlik, adolat, inson taqdiri haqidagi qarashlarining o‘ziga xos ifodasi.

Shota Rustaveli. “Yo‘lbars terisini yopingan pahlavon” dostonidan parcha. (A2+: 4 soat)

Dostonda umumbashariy g‘oyalarning yuksak badiiy tarzda ifoda etilgani. Asarda chin insoniylik, sadoqat, mardlik singari insoniy fazilatlarning ulug‘lanishi. “Yo‘lbars terisini yopingan pahlavon” dostoni – jahon adabiyotining eng go‘zal namunalaridan biri sifatida.