O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning adabiyot fanidan davlat ta’lim standarti va o‘quv dasturi toshkent-2017

6-7-mavzu. Shuhrat. “Mardlik afsonasi” balladasi. (2 soat)

Shuhrat hayoti va ijodi to‘g‘risida qisqacha ma’lumot. “Mardlik afsonasi” balladasida o‘zbek xalqining eng qadimgi zamonlarda mustaqillik uchun olib borgan kurashining tasvirlanishi. To‘maris obrazi. To‘maris boshchiligidagi xalq jasoratining ballada janriga xos poetik vositalar orqali tasvirlanishi. “To‘maris” hikoyasi bilan “Mardlik afsonasi” balladasi o‘rtasidagi yaqinlik va farqli tomonlar. Balladaning tarbiyaviy ahamiyati.

Nazariy ma’lumot. Ballada haqida.

8-mavzu. Rasul Hamzatov. “Ona tilim”, “Kenja nevaram Shahrizodga” she’rlari. (1 soat, A2+: 3 soat)

Shoir hayoti va ijodi haqida qisqacha ma’lumot.

“Ona tilim” she’rida ona tilining millatni, shu millatga mansub har bir shaxsning o‘zligini saqlab qoluvchi vosita ekanligining ko‘rsatilishi. Tilga muhabbat orqali elga muhabbat paydo bo‘lishining ifodalanishi. “Kenja nevaram Shahrizodga” she’rida avlodlar o‘rtasidagi vorislik, davomiylik va ma’naviy javobgarlik tuyg‘ularining aks etishi.