O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning adabiyot fanidan davlat ta’lim standarti va o‘quv dasturi toshkent-2017

Nazorat ishi: Insho va uning tahlili. (2 soat, A2+: 3 soat)

Takrorlash: (1 soat)

Nazorat ishi: Test. (1 soat)

Sinfdan tashqari o‘qilgan asarlar muhokamasi: (1 soat, A2+: 2 soat)
24-27-mavzu. Muhammad Rizo Ogahiy. Lirika. (4 soat)

Hayoti va faoliyati haqida qisqacha ma’lumot. Ijodiy merosi. Shoirning mumtoz adabiyot tarixida tutgan o‘rni.

“Ta’viz ul-oshiqin” XIX asr o‘zbek she’riyatining benazir namunasi ekanligi. Shoir g‘azallarida tabiat manzaralari. Navro‘z, bahor, qish haqidagi she’rlari. “Baland aylab quyoshg‘a roya Navro‘z”, “Soqiyo, mayxoralar jismidin oldi xob qish”, “Qotig‘roq kelmadi hargiz jahong‘a ushbu qishdin qish” g‘azallarida shoir hayotining aks etishi (1 soat).

“Iloho, har kuning Navro‘z bo‘lsin” g‘azalida an’anaviy yangi yil tilaklari va ularning poetik ifodasi. “O‘yla yetkurdi jahong‘a ziynatu oro bahor” g‘azalida bahor vasfi. Jonli tabiatning fusunkor tasvirida shoirning tashxis san’atidan samarali foydalanishi. Go‘zallik tasvirining bahor (umr) g‘animatligi haqidagi ko‘hna falsafaga bog‘lab berilishi (2 soat).

Ogahiyning ishqiy g‘azallari. “Yuzing ochkim, quyosh sadqang bo‘lib boshingdan aylansin”, “Mushkin qoshining hay’ati ul chashmi jallod ustina” g‘azallari ishqiy she’rning yuksak namunasi sifatida. Mazkur g‘azallardagi yor timsolida (xususan, unga murojaatda) shohga xos xususiyatlarning aks etishi (1 soat).

Shoirning boshqa poetik janrdagi asarlari haqida. Ogahiyning kichik she’riy janrlardagi asarlari: tuyuq, ta’rix, tarafayn. “Dahr uyi bunyodkim, su(v) uzradur mahkam emas” tarji’bandi va Muhammad Rahimxon Soniyga bag‘ishlangan “Qasidai nasihat”da Ogahiyning ijtimoiy, siyosiy, axloqiy qarashlarining aks etishi. Nazariy ma’lumot. Lirik qahramon obrazi (1 soat).