O‘zbekiston respublikasi xalq ta’limi vazirligi respublika ta’lim markazi umumiy o‘rta ta’limning adabiyot fanidan davlat ta’lim standarti va o‘quv dasturi toshkent-2017

Nazorat ishi: Insho va uning tahlili. (2 soat)
O‘quvchilar sinfda va mustaqil o‘qishlari lozim bo‘lgan asar:

“Alpomish” dostoni.

2. 
   O‘zbek adabiyoti tarixi
   

(25 soat, A2+: 7 soat))
7-16-mavzu. Alisher Navoiy. “Xamsa” asari. “Farhod va Shirin” dostoni. (10 soat, A2+: 12 soat)

Navoiy ijodi – o‘zbek mumtoz adabiyotining eng yuksak bosqichi. Shoirning hayot va ijod yo‘li haqida (1 soat).

“Xamsa” - o‘zbek badiiy tafakkurining cho‘qqisi (1 soat).

“Farhod va Shirin” dostonining “Xamsa”da tutgan o‘rni. Dostonning obrazlar tizimi. Farhod shoir ideali tajassumi sifatida. Komillik yo‘liga kirgan inson manzillari tasviri (2 soat).

Shirin obrazi. Unda ayollarga xos ma’naviy fazilatlar talqini (2 soat).

Dostondagi boshqa obrazlar. Dostonda yaxshilik va yomonlik, razolat va adolat, butunlik va noqislik o‘rtasidagi ziddiyatning jonli shaxslar timsollarida ko‘rsatilishi. Doston qahramonlaridagi ma’naviy xususiyatlarga alohida urg‘u berilgani (2 soat).

Farhod va Xusrav dialogi doston voqealarining kulminatsiyasi sifatida. Dostonning badiiy xususiyatlari (1 soat).

Nazariy ma’lumot. Adabiyotda komil inson tasviri (1 soat).