O’zbekiston respublikasi xalq ta’limi vazirligi respublika ta’lim markazi umumta’lim maktablarida “Tarbiyaviy soat” mashg’ulotlarini tashkil etish bo’yicha o’quv-mavzu reja, o’quv dasturi hamda metodik qo’llanma

22-mavzu: Imidj nima uchun kerak?

Imidj nima? Kiyinishda nimalarga e’tibor qaratasiz? Imidj nima uchun kerak?

23-mavzu: Mehrim sizga atalgan!(8 mart – Xotin-qizlar kuni munosabati bilan).

O`quvchilarga aziz onajonlarimiz va opa-singillarimizga hurmat va ehtirom bilan munosabatda bo’lish tuyg’ularini singdirish orqali ularni “Ayolga e’tibor – kelajakka e’tibor”, “Ayol baxtli bo’lsa, jamiyat ham baxtli bo’ladi” degan g’oyalarga sadoqat ruhida tarbiyalash.

24-mavzu: Tabiiy fanlarni o‘rganamiz (kimyo, biologiya fanlari oyligi doirasida).

O‘quvchilar ongida atrof-muhitga, olam va odamga, hayvonot va o‘simlik dunyosiga mehr-muhabbat bilan munosabatda bo’lish, tabiat boyliklaridan unumli foydalanish, atmosfera va atrof-muhit tozaligini asrash, tarixiy va tabiiy boyliklarni asrash tuyg’ularini shakllantirish.

25-mavzu: Milliy urf-odatlarimiz va zamonaviy an’analarimiz(21 mart – Navro‘z bayrami munosabati bilan).

O`quvchilarda milliy qadriyatlarimiz, urf-odatlarimiz va an’analarimizga hurmat tuyg’ularini kuchaytirish orqali ular ongiga mehr-oqibat, insoniylik, milliyligini yo`qotmaslik, boy, asrlardan asrlargacha yetib kelayotgan urf-odatlarimizni saqlab qolish xislatlarini tarbiyalash hamda ularda milliylik va zamonaviylikning uyg’unlashuviga erishish.

26-mavzu: Amir Temur hayoti bizga o‘rnak(Amir Temur tavallud topgan kun munosabati bilan).

O`quvchilarning buyuk davlat arbobi va jahongir lashkarboshi, Sohibqiron Amir Temurga bo`lgan cheksiz hurmatlarini yanada rivojlantirish hamda ular ongiga Amir Temur bobomiz faxrimiz-g`ururimiz ekanligini singdirish.

27-mavzu: Hunarli kishi xor bo‘lmas (Tasviriy san’at, musiqa, mehnat fan oyliklari doirasida).

O`quvchilarda mehnatga bo’lgan to’g’ri munosabatni shakllantirish orqali ularga hunarning katta-kichigi bo’lmasligi, halol mehnat bilan topilgan boylik hech qachon yo’q bo’lmasligi haqidagi tushunchalarni singdirish, o’quvchilarni aqliy va jismoniy mehnatga o’rgatish hamda ularda jamoa bilan birgalikda mehnat qilish ko’nikmalarini tarbiyalash.