O`zbekiston respublikasi xalq ta’limi vazirligi navoiy davlat pedagogika instituti geografiya o`qitish metodikasi kafedrasi «jahon mamlakatlari iqtisodiy va ijtimoiy geografiyasi»

Eng yirik daryosi — Oranj (Vall va Kaledon irmoqlari bilan), shimoli-sharqda Limpopo daryosi bor. Hind okeaniga qo’yiluvchi boshqa daryolari qisqa, sersuv va serostona. Ichki platolardagi daryolar yilning ko’p vaqtida qurib yotadi. Mamlakat hududining 2% o’rmon. Mamlakatning sharqiy sohilida shimoliy chegaradan 30° janubiy kenglikgacha qizil va qizil-qo’ng’ir tuproqli yerlarda savanna, daryo vodiylarida palma o’rmonlari bor. Tog’ vodiylarida tropik sernam o’rmonlar uchraydi. Durbandan Mosselbay shahrigacha bo’lgan sohildagi qo’ng’ir tuproqli yerlarda subtropik o’rmonlar, Kap tog’lari yon bag’rida doim yashil butazorlar, platolardagi qizil-qung’ir va qora tuproqli yerlarda baobab va butali savannalar bor. Kalahari tekisligida cho’l o’simliklari o’sadi. Yovvoyi hayvonlardan arslon, qoplon, yovvoyi mushuk, qashqir, kiyik, zebra, jirafa, fil, karkidon, hasharotlardan termitlar, setse pashshasi, bezgak chivini va boshqalar bor. Yirik hayvonlari kam qolgan. Koyuger, Kalahari-Gemsbok milliy bog’lari va qo’riqxonalar bor.

Foydali qazilmalari. JAR hududidan olmos, oltin, platina, uran, temir (55 mln. tonna) va marganets rudalari, xrom, rangli metallar, toshko’mir (255 mln.tonna), asbest kabi mineral resurslar qazib olinadi.