O'zbekiston respublikasi xalq ta'limi vazirligi n. Mahmudov, A. Nurmonov, A. Sobirov, I. Hojaliyev

80-dars 
UNDOV SO'ZLAR 
 
Darsning maqsadi: 
a) ilmiy maqsad — undov so'zlar va ularning ma'nosi haqida ma'lumot 
berish; 
b) tarbiyaviy maqsad — o'quvchilarga jonivorlarga nisbatan mehr-shafqat 
tuyg'usini singdirish; 
d) rivojlantiruvchi maqsad — intizom tuyg'ularini rivojlan-tirish. 
Darsning jihozi:
uy hayvonlari va yovvoyi hayvonlar rasmlari, tabiat 
tasviri. 
Darsning rejasi: 
1. Undov so'zlar. 
2. Undovlarning ma'no turlari. 
Dars o'quvchilarning quyi sinflarda olgan bilimlarini eslashi bilan 
boshlanadi: 
1. Undov deb qanday so'zlarga aytiladi? 
2. Undov so'zlar ma'nosiga ko'ra necha xil bo'ladi? O'quvchilar 5-sinfda 
undov so'zlar haqida dastlabki ma'lumotni olganlar. Shunga asoslanib savollarga 
javob beradi. So'ng 1-topshiriqni mustaqil o'qib chiqish topshiriladi va 
o'quvchilardan biri 1-2 minut oralig'ida tayyorlanadi. Hamda har bir gapni bir 
o'quvchi izohlab beradi. Qolgan o'quvchilar javoblarni to'ldiradi. 
Ijodiy ishlash. O'qituvchi sinf xattaxtasiga uy va yovvoyi hayvonlar rasmini 
ilib qo'yadi. O'quvchilar rasm asosida undov so'zlar ishtirok etkazib gap tuzadilar. 
256-mashqda berilgan gaplardagi undov so'zlarning ma'nosi izohlanadi. 
257-mashq mustaqil bajariladi. O'quvchilar 
chu, o'h-ho', labbay, ey 
undovlari ishtirokida gaplar tuzadilar. Namuna: 
O'h-ho'-o', - dedi Badia, - gap 
ta'sir qilmasligini bilardig-u qo'lti-g'ingizda tumor borligini bilmas ekanmiz.
(Mirmuhsin) 258-mashq o'yin tarzida tashkil qilinadi. Bunda uchta ko'prik rasmi 
chizilgan plakat (yoki kodaskopda tushiriladi) taxtaga ilinadi. Faqat undovlardan 
iborat ko'prik mustahkamligi aytiladi. O'quvchilar ko'prikni to'g'ri tanlasa, suvga 
tushmay, u qirg'oqqa o'tishi aytiladi. O'quvchilar mustahkam ko'prikni topishadi. 
Uyga vazifa: 259-mashq.