O’zbekiston respublikasi xalq ta’limi vazirligi muqimiy nomidagi qo’qon davlat pedagogika instituti «Jismoniy tarbiya va sport»

Дастур мазмуни.Болаларни биттадан колоннада югуришга,тўпни иргитиб,чаққонлик ва кўз билан тўғри чамалашни машқлантириш;сакраш-ларда машқлантириш.
Жиҳозлар.Тўплар(диаметри-20см),8-10та кегли.
1-қисм.Колоннада биттадан юриш ва ёйилиб кетиш,ўртача темпда 1минутгача югуриш(навбатма-навбат).
2-қисм.Ўйин машқлари.
“Тўпни ушлаб ол”.Ўйновчилар учталикларга бўлиниб олади.”2та бола бир-биридан 2-2,5 м.масофада туриб тўпни бир-бирига оширади,учинчиси эса уларнинг ўртасида туриб тўпни ушлаб олишга ҳаракат қилади.Агар ўртадаги бола тўпни ушлаб олса ёки тегса,тўпни бериб қўйган билан ўрин алмашади ва ўйин давом этади.Тарбиячининг сигнали бўйича ўйин тўхтатилади.Тарбиячи болаларни бўйларига мос равишда шерик танлашни тавсия этади.
“Чаққон бўл”.Тарбиячи кеглиларни 2та чизиқ бўйлаб бир биридан 40см узоқликда қўйиб чиқади.Болалар 2та колонна бўлиб сафланиб,тарбиячининг сигнали бўйича(биттадан) икки оёқлаб кеглилар орасида сакрашни бошлайди.Финиш чизиғига етиб боргандан кейин бола ўз колоннасига юриб қайтиб келади.Қайтадан биринчи бўлиб турган ўйинчи,қўлларини юқорига кўтариб вазифани бажаради.(2-3марта).
“Ўз рангингни топ”.Майдончанинг турли жойларига тарбиячи доирачалар ичига турли рангдаги кеглиларни қўйиб чиқади.Ҳар бир доирача атрофига ўйновчилар зич бўлиб айлана ҳосил қилиб туради.Тарбиячининг биринчи шартли сигнали бўйича болалар майдонча бўйлаб тарқалиб кетишади.”Ўз рангингни топ!”сигнали бўйича ҳар бир ўйновчи ўз рангини топиши ва кекглини йиқитиб юбормаслиги керак.Тўғри айлана ҳосил қилган,кеглилар-ни йиқитиб юбормаган ва ўз рангини адаштирмаган команда ютган ҳисобланади.
3-қисм.Колоннада биттадан бўлиб,кеглилар орасидан уларга тегиб кетмай юриш(буюмлар орасидаги масофа 50см).
Такрорлаш учун материал.
Болалар боғчасининг юқори гуруҳларида тарбияланувчилар жисмоний тарбия машғулотларида ҳаракатниг ҳар хил турларини ўзлаштириб,юриш,югуриш,мувозанат,тирмашиб чиқиш,ирғитиш.сакраш кўникмаларини такомиллаштириб боришади.Аммо ўтган материални мустаҳкамлаш ва такомиллаштиришда жисмоний машқларни,ҳаракатли ўйинларни машғулотлардан ташқари пайтда,мустақил ҳаракат фаолиятида тарбиячи назоратида остида бажарилади.
Жисмоний тарбия машғулотларида ўтилган материал дастур талабларига мос ҳолда ишлаб чиқилган.
1-ҳафта.Болалар боғчаси ўрта гуруҳининг жисмоний тарбия дастур материалини қайтариш.
2-ҳафта.Ўйин машқлари.Мувозанат учун:”Йўлакча бўйлаб ким тезроқ?”-юриш ва югуриш.(ораси 15см қилиб қўйилган кубиклар орасидан югуриш);
“илонизи”бўлиб кеглилар орасидан югуриш-“Тегиб кетмай югуриб ўт”.Сакрашлар-“Айлана ичига аниқ сакра”(қасқон ичига),”Ариқчадан” сакраб ўт”(чилвирдан).Тўп билан-“Юқорига отиб яна тутиб ол”(тўпни тепага ирғитиб икки қўллаб тутиб олиш.”Қўлига аниқ ирғит(тўпни шеригига икки қўллаб отиш,диаметри 20см).Ҳаракатли ўйинлар:”Қушчалар ва мушук”,”Самолётлар”,”Тўп мактаби”.
3-ҳафта.ўйин машқлари.Сакрашлар-“Предметгача етиб ол”(турган жойда қунғироқгача,пуфаккача,тупгача сакраш);икки оёқлаб предметгача сакраб бориш (кегли,кубикларгача).Тўп билан-“Кеглини уриб йиқит”,”Юқорига ирғит ва илиб ол”(тўпни тепага ирғитиш),”Тўрдан ошир”.Эмаклаш-“Тегиб кетмай эмаклаб ўт”(чилвир остидан эмаклаб ўтиш).Ҳаракуатли ўйинлар:”Секин югуриб ўт”,”мушукчалар ва кучукчалар”.”Ушлаб олувчилар”.
4-ҳафта.Ўйин машқлари.Тўп билан “юқорига ирғитиб ушлаб ол”(тўпни юқорига иргитиш),”Кимнинг тўпи узоқроққа?”(тўпни узунликка отиш),”Тўпни чилвир устидан от”(тўпни икки қўллаб бош ортидан ирғитиш).Тагидан ва эмаклаб ўтиш-“Айиқдек эмаклаб ўт”(пол,гимнастик скамейка устидан кафт ва товонларда эмаклаб ўтиш).”Қасқон ичидан ўт”(шериги билан галма-гал).Мувозанат –“Йўлакча бўйлаб юр”(кенглиги 15см),арқон бўйлаб-“Дорбоз”(бошда ҳалтачалар билан,приставной қадам билан олдинга ва ён томон билан қўлларни турли ҳолатда тутиб).Ҳаракатли ўйинлар:”Ўз рангингни топ”,”Ўз шеригингни топ”.