O'zbekiston Respublikasi Xalq ta'lim vazirligi

Oyoq  parvarishi  -  Oyoqni  har  kuni,    uyqu  oldidan  iliq  suvda  sovunlab 
yuvganingiz maqul. Bu Charchoqni tez yengishga yordam beradi. Oyoq tirnog’ini 
muntazam ravishda olib turish kerak. 
Ko’z  parvarishi  -  Odatda,  ertalab  va  kechqurun  yuzni  yuvish  vaqtida  ko’z 
qavog’i  yuviladi.Ko’z  ham  belgilangan  mashqlar  bilan  tarbiyalash  zarur.Sport 
maydonchasida  bo’lganda,  ko’zga  biror  narsa  tushganda  ko’zning  tashqi 
burchagidan burun tomondan qarata yuvish kerak.  
Tish  parvarishi  -  Tishlarni  ertalab  uyqudan  turgach  hamda  kechqurun  uyqu 
oldidan tish pastasi bilan yuvish lozim. Tishni tozalaganda milkni avaylash kerak. 
Pastali cho’tkani tishning ichki va tashqi tomonidan, o’ngdan chapga va yuqoridan 
pastga  harakatlanishi  zarur.  Suv  va  turli  mahsulotlarni  o’ta  sovuq  va  issiq  holda 
istemol qilish tish uchun zararli hisoblanadi. 
Jismoniy  tarbiyani  to’g’ri  tashkil  qilish  organizmni  chiniqtirish  va 
rivojlantirishda  katta  ahamiyatka  ega.  Inson  hayotida  jismoniy  mashqlar  katta 
ahamiyatga  ega.  Birinchidan,  hayotda  har  kim  jismoniy  jihatdan  sog’lom,  kuchli 
bo’lishni isaydi. Ikkinchdan, tan sog’lig’i fikrning tiniqligiga va axloqiy poklikka 
olib keladi. Fikr va ahloq bilan mijoz va sog’lomlik orasida kuchli bir bog’lanish 
bor.  Jismoniy  mashqlardan  maqsad  butun  tana  a’zolarining  o’z  vazifalarini 
mukammalbajarishini taminlashdan iborat.   
A’zolarimizning ba’zilarining quvvati oshirib, ba`zilarini esa quvvatsiz holda 
qoldirish  maqsadni  amalga  oshirish  imkonini  bermaydi.  Tana  a’zolarining  turli 
harakatlaridan iborat bo’lgan gimnastika mashqlari, ot minish, suvda suzish, futbol 
o’yini  kabi  turli  mashqlar  badan  tarbiyasi  uchun  juda  zarurdir.  Ota-bobolarimiz 
"Harakatda  barakat"  deganlaridek,  faol  jismoniy  mehnat  va  badan  tarbiyasi 
salomatlik  garovidir.  Shular  qatorida  turli  sport  turlari  bilan  muntazam 
shug’ullanib  borish  jismoniy  kamolatga  etishish  imkonini  beradi.  Siz  o’zingizga 
yoqqan  sport  turini  tanlab  olib  mustaqil  va  muntazam  ravishda  shug’ullanib 
borsangiz,  orangizdan  mashhur  sportchilar  etishib  chiqishi  mumkin  va  ular  sport 
bellashuvlarida  O’zbekiston  bayrog’ini  yanada  balandroq  ko’tarishlariga 
ishonchimiz komil. Buni siz, albatta, uddasidan chiqasiz.