O‘zbekisтon respublikasi

Bosim ostidagi idishlarning texnik holatini tekshirish va ularni sinash usullari

Bosim ostida ishlaydigan qurilmalar va idishlarning texnik holatini tekshirish, hamda ularning mustahkamligini sinab turish yo‘lga qo‘yilgan. Shu ishlarni amalga oshirish maqsadida “Sanoatgeokontexnazorat” davlat inspeksiyasi tomonidan quyidagi me’yoriy - texnik hujjatlar tasdiqlangan va amalga tatbiq etilgan [43]:

• 
  “Suyuq gazlarni bosim ostida saqlanadigan sharsimon sig‘imlar va gazgolderlarni texnik ko‘rikdan o‘tkazish bo‘yicha yo‘riqnoma”;
  
• 
  “Bosim ostida ishlaydigan bug‘ va suv isitiladigan qozonlar, idishlar, bug‘ va suv quvurlarini texnik ko‘rikdan o‘tkazish bo‘yicha metodik qo‘llanma”.
  
• 
  “Bosim ostida ishlaydigan idishlarning tuzilishi va xavfsiz ishlatish qoidalari”.
  

“Sanoatgeokontexnazorat” kuzatuvi ostida bo‘lgan bosim ostidagi idishlar yuqorida keltirilgan me’yoriy - texnik hujjatlar talablari asosida texnik ko‘rik va sinovdan o‘tkazilib turiladi.
“Sanoatgeokontexnazorat” davlat inspeksiyasining hisobida bo‘lmagan vositalarni ham texnik ko‘rik va sinovdan o‘tkazib turish, ularning xavfsizligini ta’minlashning asosi hisoblanadi. Bunday tekshirish va sinov ishlari bosim ostida ishlaydigan idishlarni tayyorlanganda, o‘rnatganda, ishlatilishi oldidan va ishlatilayotgan vaqtda davriy ravishda o‘tkazib turilishi kerak.
Idishlarning texnik holatini tekshirishda ularning ichki va tashqi sirtlari sinchiklab ko‘zdan kechiriladi (6.13 – rasm). Bunda asosiy e’tibor payvandlangan yuzalarga qaratiladi. Chunki, bosim ostidagi idish uchlari vaqt o‘tishi bilan payvandlangan yerlarining cho‘zilishi natijasida, ma’lum miqdorda qochadi. Cho‘zilish miqdori “Sanoatgeokontexnazorat”ning sanoatda xavfsizlikni ta’minlash nazorati qoidalarida chegaralab qo‘yilgan bo‘lib, quyidagi 6.3 – jadvalda keltirilgan yo‘l qo‘yilishi mumkin bo‘lgan miqdordan oshmasligi kerak.

2. 
   – jadval