O‟zbekiston respublikasi

Oyoq panjasining panja oldi suyaklari 7-ta bo‘lib, ular: tovon usti, tovon, kubsimon, qayiqsimon va uchta ponasimon suyaklardan iborat
Yuqorida joylashgan tovon usti suyagi tana va boshchaga ega. Tovon usti suyagining ostida panja oldi suyaklarining eng kattasi - tovon suyagi yotadi. Uning orqa tomonida yo‘g‘onlashagan joyda tovon bo‘rtig‘i bor. Suyak tanasining ust tomonida tovon ust suyagi bilan birikish uchun bo‘g‘im yuzalari bor. Tovon usti suyagi boshchasining oldida kubsimon suyak bilan yonma-yon va undan ichkariroqda – medial, oraliq va lateral ponasimon suyaklarni ajratish mumkin.
Panja suyaklari beshta kalta naysimon suyaklardan iborat. Ular panja oldi suyaklari - kubsimon va ponasimon suyaklaridan nariroqda joylashadi. Har qaysi panja suyagida asosi, tanasi va boshchasi bor. Panja suyaklarning asoslari panja oldi suyaklariga taqalgan bo‘ladi.
Oyoq barmoqlari 3-ta falangalardan iboratdir, faqat 1 barmoq proksimal va distal falangalardan tashkil topgan. Har bitta falangada asos, tana va boshcha tafovut etiladi. Proksimal falangalar o‘z asoslari bilan panja suyaklarining boshchalariga qaratilgan bo‘ladi. Har bitta distal falanga o‘zining
uchlarida g‘adir-budur yuza bilan tugaydi. Ba‘zi sport turlarida oyoqlar uzunligi Bu suyaklarda jismoniy ish ta‘sirida bo‘ladigan o‘zgarishlarni bilish lozim (gimnastika, fo‘tbol).


Ish uchun kerakli jihozlar: Odam skeleti, rangli atlaslar, plakatlar, mulyajlar, releflar.
Ishning borishi: Talabalar son suyagi, boldir suyaklari va oyoq panjasi suyaklarining tuzilishini odam skeleti, rangli plakatlar, releflar va atlaslardan ko‘rib o‘rganishadi.
Ishni rasmiylashtirish: Talabalar son suyagi, boldir suyaklari va oyoq panjasi suyaklarining tuzilishini rangli ko‘rinishda chizib, qisqacha konspekt qilishadi.

MASHGULOT №:7. YELKA KAMARI SUYAKLARINING TUZILISHI.