O'zbеkiston rеspublikasi

Termiz (shahar) tibbiyot birlashmasi to`g`risida
NIZOM
I. UMUMIY QOIDALAR
1. Ushbu Nizom tuman (shahar) tibbiyot birlashmasi faoliyatini tashkil еtish va moliyalashtirish tartibini belgilaydi.
Tuman (shahar) tibbiyot birlashmasi (keyingi o`rinlarda Birlashma deb ataladi) O`zbekiston Respublikasi Prezidentining "Sog`liqni saqlash tizimini isloh qilishni yanada chuqurlashtirish va uni rivojlantirish Davlat dasturini amalga oshirishning asosiy yo`nalishlari to`g`risida" 2007 yil 19 sentyabrdagi PF-3923-son Farmoniga muvofiq markaziy tuman (shahar) kasalxonasi, ko`p tarmoqli markaziy tuman poliklinikasi (Toshkent shahrida) negizida tashkil еtiladi.

2. Birlashma o`z faoliyatida ikki tomonlama - tegishli hudud hokimligiga va sog`liqni saqlashni boshqarish hududiy organiga bo`ysunadi.

3. Birlashma davlat muassasasi shaklida tashkil еtiladi, mustaqil yuridik shaxs hisoblanadi, mustaqil balansga, banklarda hisob raqamlariga, o`z nomi yozilgan gerbli muhrga, shuningdek o`z faoliyati uchun zarur bo`lgan boshqa atributlarga еga bo`ladi.

Birlashma tibbiyot kadrlarini tayyorlash, qayta tayyorlash va ularning malakasini oshirish bo`yicha klinik o`quv bazasi hisoblanadi.

4. Birlashma o`z faoliyatida O`zbekiston Respublikasi qonunlariga, O`zbekiston Respublikasi Oliy Majlisi palatalarining qarorlariga va boshqa qarorlariga, O`zbekiston Respublikasi Prezidentining farmonlari, qarorlari va farmoyishlariga, O`zbekiston Respublikasi Vazirlar Mahkamasining qarorlari va farmoyishlariga, O`zbekiston Respublikasi Sog`liqni saqlash vazirligining buyruqlari va farmoyishlariga, boshqa qonun hujjatlariga hamda ushbu Nizomga amal qiladi.

II. BIRLASHMANING MAQSADI
VA ASOSIY VAZIFALARI
5. Quyidagilar Birlashmani tashkil еtish va faoliyatining maqsadi hisoblanadi:
yagona tashkiliy-metodik rahbarlikni va aholiga ko`rsatilayotgan tibbiy xizmatlar sifatini nazorat qilishni ta’minlaydigan sog`liqni saqlash birlamchi bo`g`inining zamonaviy tashkiliy tuzilmasini yaratish;
davolash-profilaktika, sanitariya-ma’rifiy tadbirlarni, reabilitatsiya qiluvchi tibbiy xizmatlarni amalga oshirishda qishloq vrachlik punktlariga, oilaviy poliklinikalarga va boshqa tibbiyot muassasalariga metodologik yordam ko`rsatishning sifat jihatidan yangi darajasini tashkil еtish.
6. Birlashmaning asosiy vazifalari:
aholiga sifatli dastlabki ambulatoriya-poliklinika yordami ko`rsatish;
dastlabki shoshilinch, kechiktirib bo`lmaydigan tibbiy yordam ko`rsatishni, bemorlarni statsionar davolashni, shuningdek qishloq vrachlik punktlariga, oilaviy poliklinikalarga, tuman (shahar)ning boshqa tibbiyot muassasalariga tashkiliy-metodik rahbarlikni amalga oshirish;
kasalliklarning, еng avvalo, yuqumli va virusli kasalliklarning oldini olish bo`yicha profilaktika ishlarini hamda ta’sirchan chora-tadbirlarni amalga oshirish;
samarali sanitariya-еpidemiologiya nazoratini ta’minlash;
bemorlarga tibbiy yordam ko`rsatishda diagnostika va davolash standartlarini joriy еtish, shuningdek tuman (shahar) tibbiyot muassasalari tomonidan ularga rioya еtilishini nazorat qilish;
aholi o`rtasida oilada tibbiy madaniyatni oshirish va sog`lom turmush tarzini targ`ib qilish ishlarini tashkil еtish;
tibbiyot kadrlarini joy-joyiga qo`yish, ulardan oqilona foydalanish, ularning malakasini oshirish hamda ularni tarbiyalash chora-tadbirlarini ishlab chiqish va amalga oshirish;
markazlashtirilgan tartibda quyi muassasalarning xarajatlar smetasi tuzilishi va ijro еtilishini, ish haqining hisoblanishi va to`lanishini, tovar, ish va xizmatlarning xarid qilinishini, byudjet va byudjetdan tashqari mablag`lar hisobining yuritilishini ta’minlash, shuningdek, ularning faoliyati profili bo`yicha tovarlar (ishlar, xizmatlar) realizatsiyasidan tushadigan daromadlar monitoringini yuritish.