O'zbekiston respublikasi turizm va sport vazirligi

Uloqtirish mashqlari

Yengil atletikaning uloqtirish turlari asosan granata va nayzani uzoq-qa otishdan iboratdir. Ta’kidlash lozimki bu turlar va sportdagina emas, balki harbiy-jismoniy tayyorgarliklarda о‘ziga xos mazmun va mohiyatga egadir. Shu sababdan eng kichik yoshdagi bolalarga rezina (tennis) tо‘plarni uzoqqa va mо‘ljalga otishni о‘rgatib, keyinchalik bu faoliyatlar jismoniy tarbiya darslarida maqsadli tarzda tashkil qilinadi.

Jismoniy tarbiya darslari (yengil atletika bо‘limi) hamda «Alpomish» va «Barchinoy» maxsus testlarida qizlar va о‘g‘il bolalar uchun 500gr, о‘smirlar va katta kishilar uchun 700gr granatani uloqtirish asosiy tur qilib olingan. Granatani uloqtirishning texnik qoidalari qanchalik oson bо‘lmasin, uni uzoqlarga otishda hamma-ham yaxshi natijalarga erisholmaydi. Chunki barmoqlar, bilak (tirsak) va yelka mushaklarini ishga solish yugurib kelib qulay paytda granatani uloqtirish unchalik ham onson ish emas. Shu sababdan eng avvalo turgan joydan boshdan yelkadan oshirib uloqtirish usullarini puxta egallashga tо‘g‘ri keladi. Quloch yozib granatani otish harakatini kо‘p takrorlash keyinchalik granatani о‘zini otish lozim.

Bunda yelka asosiy rol о‘ynaydi. Tirsak va barmoqlarning ketma-ket harakati (siltash) zarb bilan granatani siltab otish usulini juda tо‘g‘ri bajarish lozim. Aks holda yelka va tirsak bо‘g‘inlari mushaklarning chо‘zilishi, chiqib ketishi, suyaklarni joyidan qо‘zgalishi yoki sinib ketishi ham mumkin.