O‘zbekiston respublikasi turizm va sport vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

 Italiyada
maktab yoshidagi bolalar hamda yoshlarning jismoniy 
jihatdan o‘sishi va ularga fashistlar tomonidan beriladigan tarbiya ishlariga 
maorif ministrligining jismoniy tarbiya departamenti va maxsus ijtimoiy 
tashkilot «Opera natsionale Balilla» rahbarlik qildi. «Balilla» asosan 8-13 
yoshlardagi o‘g‘il bolalarni birlashtirgan. 14-18 yoshdagi o‘smirlar 
«Avangardisti» tashkilotiga kirganlar. 8-13 yoshdagi qizlar «Pikoli 
italiyane» («Kichik yoshdagi italiyan qizlar»), 14-18 yoshdagi qizlar esa 
«Djivanie 
italiyani» 
(«yosh 
italiyan 
qizlar») 
tashkilotlariga 
birlashtirilganlar.
«Opera natsionale Balilla»ning 93 ta bo‘limi bo‘lgan. Fashistlar 
«sekretarlari» rahbarligidagi bu bo‘limlarning 4000 ga yaqin mahalliy 
tashkiloti bor edi. «Balilla» faoliyati davlat tomonidan ajratilgan yirik 
mablag‘, kapitalistlar va burjua tashkilotlarining yordami bilan ta’minlandi. 
«Balilla» tashkilotlarida yеngil atletika, qilichbozlik, gimnastika, eshkak 
eshish va hakazo keng qo‘llaniladi. Shu bilan bir qatorda har bir joyda 
geografik va iqlim sharoitlariga qarab, maxsus sport turlari: Alpda tog‘ 
chang‘i sporti, dengiz bo‘yida suzish, еlkan sporti, daryolarda suzish, 

---

51 
eshkak eshish, tekislikda ot sporti, hamma joyda sport o‘yinlari (regbi, 
futbol, basketbol, voleybol), otish, velosiped sporti va sportning motorli 
turlari ham taraqqiy ettirildi.
Bularda sportning avtomobil, mototsikl, aviatsiya, planer va parashyut 
turlari, qilichbozlik, kurash, boks, og‘irlik ko‘tarish va gimnastikani 
taraqqiy ettirishga katta ahamiyat berildi. Italiyada fashistlar armiyasiga 
rezervlar tayyorlash maqsadida «Opera natsionale dopolivora» nomi bilan 
juda ko‘p tashkilotlar vujudga keltirildi. 
Yaponiyada 
jismoniy tarbiya va sport ishlarini harbiylashtirish 
nihoyatda tez sur'atlar bilan olib borilgan. Siyosati yangi bosqinchilik 
urushiga tayyorlanish vazifalariga bo‘ysundirilgan yapon imperialistlari ana 
shu maqsadlarda maktab, sport va gimnastika tashkilotlaridan keng 
foydalanganlar. O‘quv yurtlari va sport tashkilotlari harbiy-jismoniy 
tarbiyaning, shovinistik va militaristik kayfiyatlarni yoyishga xizmat 
qiladigan asosiy markazlar bo‘lib qolgan edi. Eng yaxshi komandir va sport 
kadrlari еtishtirib chiqargan kollej va universitetlarda harbiy-jismoniy 
tarbiyaning asosiy vositalari dzyu-do, qilichbozlik, otish, gimnastika, 
suzish, yеngil atletika, voleybol, regbi va boshqa sport turlari bo‘lgan.
Jahonda jismoniy tarbiya va sport rivoji bir xilda bo‘lmagan. G‘arb 
mamlakatlarida sport bilan shug‘ullanuvchilar ijtimoiy guruhlarining turli 
yo‘nalishlari vujudga kelgan.