O‘zbekiston respublikasi turizm va sport vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

XOQ tarkibi va asosiy organlari.
XOQning asosiy organlariga – 
Sessiya, Ijroiya qo‘mita va Prezident kiradi.
Sessiya
– XOQ a’zolarining umumiy yig‘ilishi bo‘lib, har yili 
o‘tkaziladi, olimpiada yilida esa ikki marta chaqiriladi. Sessiya XOQning 
oliy organi hisoblanadi va uning qarorlari o‘zgartirilmaydi.
Sessiyani o‘tkazish joyi XOQ tomonidan belgilanadi, navbatdan 
tashqari sessiyalarni – Prezident chaqiradi. Sessiyaning kun tartibi o‘tkazish 
kunidan bir oy oldin tarqatilishi lozim. XOQ sessiyalarida Olimpiya 
xartiyasi muhokamasi, Olimpiya o‘yinlarining tashkiliy masalalari, nomzod 
shaharlar muhokamasi, saylovlar o‘tkaziladi.
Ijroiya qo‘mita
sessiyalar o‘rtasidagi davrda XOQ ishlarini boshqarib 
boradi. Uning tarkibiga XOQ prezidenti, 4 ta vitse- prezident va 10 ta 
qo‘mita a’zolari kiradi va ularning vakolat muddati 4 yil davom etadi. 
Prezident 
XOQ a’zolari tarkibidan saylanadi. Olimpiya xartiyasi 
bo‘yicha XOQ Prezidenti yashirin ovoz berish asosida 8 yilga va yana bir 
marta 4 yilga vakolat muddatini uzaytirish imkoniyati bilan saylanadi. 
Prezident maxsus hay'atlar va ishchi guruhlar tuzib, uning yordamida XOQ 
faoliyatining umumiy strategiyasini ishlab chiqadi.