O‘zbekiston respublikasi turizm va sport vazirligi jismoniy tarbiya va sport bo‘yicha mutaxassislarni qayta tayyorlash va malakasini oshirish instituti

Jorj Eber
(1875-1957) o‘zining harbiy 
jismoniy tayyorgarlik usulini tashkil etgan. Bunda yurish, sakrashlar, yuk 
ko‘tarish, uloqtirish, suzish, himoya va hujum kabi jismoniy mashqlarga 
tayanildi. Harbiylarga miltiq, to‘pponcha, shpagadan foydalanish, otda 
yurish, mototsikl haydash, qayiqlarda eshkak eshish, еlkanlarni tiklash, 
belkurak, lom, arra, bolta va bolg‘alarni qo‘llay bilish kabi sifatlarni tezda 
o‘zlashtirishni tavsiya etgan. 
Eber sportga qarshi bo‘lib, faqat sportdagi professionallikning jiddiy 
tarafdori edi. Eber «Sport jismoniy madaniyatga qarshi» nomli kitobini 
yozgan. U shu sohaga rahbarlik qilsada, ilmiy tayyorgarlikka ega emas edi 
va o‘z uslubiyatini faqat tajribalar asosida tashkil etadi. Eber xotin-
qizlarning jismoniy tarbiyasiga qarshi noilmiy fikrlar bildirgan. Uning 
fikricha, erkaklarning mashqlarini xotin-qizlar ham bajarishi lozim. Buni 
o‘rgatilgan hayvonlar misolida ko‘rish mumkinligini ta’kidlaydi. Eberning 
uslubiyatini Fransiya va boshqa bir qator mamlakatlardagi harbiy o‘quv 
yurtlarida harbiy-jismoniy tayyorgarlik mashg‘ulotlarida qo‘lladilar.