O’zbekiston respublikasi temir yo’llaridan texnikaviy foydalanish qoidalarida qo’llanilgan atamalar avtomatik lokomotiv signalizatsiya

Poezdlarning jadal harakati (интенсивное движение поездов). Yo’lovchi va yuk poezdlarining grafik bo’yicha bir kecha-kunduzda ikki yo’lli uchastkalarda 50 juftdan ortiq va bir yo’lli uchastkalarda 24 juftdan ko’p harakatlanish miqdori (jami).
Kontakt tarmoq (контактная сеть). Elektr energiyasini kuch qo’shimcha stansiyasidan elektr bilan harakatlanadigan tarkibning pantografiga uzatishni ta’minlovchi simlar, tuzilmalar, jihozlar majmui.
Lokomotivlar (локомотивы). Elektrovozlar, teplovozlar, gazturbovozlar, parovozlar, motovozlar.
Lokomotiv brigadasi (локомотивная бригада). Lokomotivlar, shuningdek, motorvagon poezdlarga xizmat ko’rsatish uchun tayinlanadigan xodimlar.
Kam ishlaydigan uchastkalar (малодеятельные участки). Yo’lovchi va yuk poezdlari grafik bo’yicha (jami) bir kecha-kunduzda ko’pi bilan 8 juft miqdorda o’tadigan uchastkalar.
Manyovr tarkibi (маневровый состав). Manyovrlarni amalga oshiruvchi lokomotiv bilan o’zaro ulashtirilgan vagonlar guruhi.
Postlararo peregon (межпостовой перегон). Yo’l postlari yoki yo’l posti va stansiya bilan chegaralangan peregon.
Stansiyalararo peregon (межстанционный перегон). Stansiyalar, raz’ezdlar va o’zib o’tish punktlari bilan chegaralangan masofa.
Motorvagonli harakat tarkibi (моторвагонный подвижной состав). Motorli va tirkama vagonlar bo’lib, ulardan motorvagonli poezdlar (elektr poezdlar, dizel-poezdlar), shuningdek, avtomotrisalar tuziladi.
Neytral qo’yma (нейтральная вставка). Ikki havo oralig’idagi (tutashmalarni izolyasiyalovchi) kontakt osma uchastkasi bo’lib, unda kuchlanish bo’lmaydi. Neytral qo’yma shunday bajariladiki, elektr harakat tarkibining pantograflari undan o’tayotganda tutashuvchi uchastkalarning izolyasiyasi ta’minlanadi.
O’zib o’tish punkti (обгонный пункт). Ikki yo’lli liniyalardagi alohida punkt bo’lib, yo’llari soni ko’p bo’ladi va shu sababli poezdlarning o’zib o’tishini va zarur bo’lib qolganda, poezdni bir asosiy yo’ldan ikkinchi yo’lga olishni ta’minlaydi.
«Okno» (окно). Ta’mirlash, qurilish ishlarni olib borish uchun peregon bo’yicha, peregonning yoki stansiyaning alohida yo’llarida poezdlar harakati to’xtatiladigan vaqt oralig’i.