O‘zbekiston Respublikasi Sog‘liqni saqlash vazirligi Toshkent farmasevtika instituti

Dori vositalarini sertifikatlashtirish tartibi
Farmasevtik mahsulotni sertifikatlashtirishini o‘tkazish uchun yagona qoidalar belgilangan. Bu qoidalar mahalliy ishlab chiqarilgan va xorijdan keltiriladigan barcha farmasevtik mahsulotga taalluqlidir.
Farmasevtik mahsulotni sertifikatlashtirish jarayoni o‘z ichiga quyidagi bosqichlarni oladi:

1. 
   Sertifikatlashtirish idorasiga buyurtma berilishi; taqdim etilgan buyurtma va xujjatlarning ko‘rib chiqilishi, buyurtma bo‘yicha qaror qabul qilish, sertifikatlashtirish sxemasini tanlash;
   
2. 
   Maxsulotning identifikatsiyasi va namunalarni tanlash;
   
3. 
   Sinovlarni o‘tkazish;
   
4. 
   Ishlab chiqarish holati, sifat tizimining baholanishi (agar sertifikatlashtirish sxemasida ko‘zda tutilgan bo‘lsa);
   
5. 
   Sinov natijalari va tekshiruvlarning tahlili; muvofiqlik sertifikatini berish yoki berishni rad etish bo‘yicha qaror qabul qilish;
   
6. 
   Sertifikatlarni rasmiylashtirish va berish;
   
7. 
   Inspeksion nazoratni o‘tkazish (agar sertifikatlashtirish sxemasida ko‘zda tutilgan bo‘lsa);
   
8. 
   Sertifikatlashtirish natijalari to‘g‘risida axborot berish.
   

Sertifikatlashtirishni o‘tkazish uchun buyurtmachi belgilangan tartibda «O‘zstandart» agentligi tomonidan akkreditatsiyadan o‘tgan sertifikatlashtirish idorasiga buyurtma beradi. Buyurtmaga quyidagi xujjatlarning nusxalari ilova kilinishi lozim:

• 
  muvofiq faoliyat turi uchun berilgan litsenziya;
  
• 
  ishlab chiqaruvchi korxonada o‘tkazilgan tahlil natijalari keltirigan bayonnomalar (maxalliy ishlab chikaruvchilar uchun) yoki firmaning sifat tahlil natijalarining me’yoriy xujjatlarga mosligi tug‘risidagi xulosalarini o‘z ichiga olgan tahlil sertifikatlari;
  
• 
  dori vositalarining kuzatuv xujjatlari (schet-faktura, yuk-xati yoki invoys).
  

Sertifikatlashtirish idorasi buyurtmachi tomonidan taqdim etilgan buyurtma asosida buyurtmani ro‘yxatdan o‘tkazadi, sertifikatlashtirish sxemasini tanlaydi.