O’zbekiston respublikasi sog’liqni saqlash vazirligi toshkent farmatsevtika instituti o’zbek tili va adabiyoti kafedrasi

1. O‘quv moduli o‘qitilishi bo‘yicha uslubiy ko‘rsatmalar

“Tibbiyotda xorijiy til” moduli talabalarni nazariy bilimlar, amaliy ko’nikmalar, uslubiy yondashuv hamda ilmiy dunyoqarashini shakllantirib borish vazifalarini bajaradi.

“Tibbiyotda xorijiy til” moduli talabalarga ingliz tilidagi zamonaviy farmatsevtik atamalarni tushunish, savodli tarzda qo’llay olish, mutaxassislikka oid adabiyotlarni o’qish, tarjima qila olish, ingliz tilida muloqot yurita olishni o’rgatadi.


2. Modulni o’qitish davomida rejalashtirilgan natijalar

Ingliz tili farmatsеvt uchun jahon fani yangiliklarini va yutuqlarini tеzkor qabul qilish imkonini bеradi. Talabani ingliz tilida og`zaki va yozma muloqotga tayyorlash uchun uning ingliz tili o`rganish jarayonida erishgan ko`nikma va malakalari quyidagi imkoniyatlarni bеradi:

- o`z kasbi bo`yicha axborot olish maqsadida ingliz adabiyotini o`qish;
- ingliz tilida olingan axborotni tarjima, rеfеrat ko`rinishida rasmiylashtirish;
- ingliz tilida og`zaki muloqotga kirishish;
- ma'ruza va xabarnomalar tayyorlash;
- o`z sohasi bo`yicha ijtimoiy, siyosiy va o`lkashunoslik muammolari yuzasidan
nazarda tutilgan dastur bo`yicha suhbat olib borish;
- o`z sohasi bo`yicha xujjatlarni rasmiylashtirish.


2.1. O‘quv modulining maqsadi

“Tibbiyotda xorijiy til” modulining maqsadi bugungi ilm va fan taraqqiyoti sharoitida tibbiyot va farmatsevtika yo’nalishidagi oliy ta’limning bakalavriat bosqichida xotijiy til o’qitish jarayonida o’rganuvchilarning kundalik, ilmiy va kasbga oid sohalarda faoliyat olib boorish uchun chet tilida kommunikativ kompetensiya (uning tarkibiy qismlari hisoblanuvchi lingvistik, sotsio-lingvistik, pragmatikva boshqa kompetensiyalari)ni shakllantirishdan iborat.

Kompetensiya – kommunikatsiya (muloqot) ishtirokchilaritomonidan ta’limning aniq maqsadlariga qaratilgannutq faoliyatini rivojlantirishga imkon beradigan bilim, ko‘nikma,malaka va shaxsiy fazilatlar yig‘indisini ifodalaydi.