O`zbekiston respublikasi sog`liqni saqlash vazirligi toshkent farmatsevtika instituti

Tadqiqot natijalari xaqida hisobot 
Umumiy xolatlar 
Har bir tadqiqotdan so‘ng yakuniy hisobot tayyorlanishi kerak. Qisqa muddatli 
tadqiqotlar  natijalari,  standartlashtirilgan  yakuniy  hisobotga  tegishli  ilovalar 
ko‘rinishida kiritilishi xam mumkin. 
Tadqiqotlarda  ishtiroq  etadigan  javobgar  tadqiqotchilar  hamda  ilmiy  xodimlar 
hisobotlarini imzo va sana bilan tasdiqlaydilar. 
Yakuniy  hisobot  unda  keltirilgan  ma’lumotlarni  haqqoniyligiga  javobgarlikni  olgan 
holda  tadqiqot  rahbari  tomonidan  sanasi  qo‘yilib,  imzolangan  bo‘lishi  kerak.  
SHuningdek,  hisobot  yaxshi  laboratoriya  amaliyoti  prinsiplariga  to‘g‘ri  kelishi  ham 
ko‘rsatilishi kerak. 
Yakuniy hisobotga to‘g‘rilashlar va qo‘shimchalar o‘zgartirishlar ko‘rinishida takdim 
etilishi  kerak.  Hisobotda  to‘g‘rilashlar  yoki  qo‘shimchalar  kiritish  sabablari  aniq 
ko‘rsatilishi shart. Har bir o‘zgartirish tadqiqot rahbari tomonidan imzo va sana bilan 
tasdiqlanishi kerak. 
Yakuniy hisobotni davlat boshqaruvi organi talablari asosida qayta formatlanishi ushbu 
hisobotga  to‘g‘rilashlar,  qo‘shimchalar  yoki  o‘zgartirishlar  kiritish  harakati  deb 
xisoblanmaydi.