O’zbekiston respublikasi sog’liqni saqlash vazirligi sh. S. Shoyimova, M. K. Xoshimova, sh. R. Mirzayeva, M. M. Qo’ziboyeva ta’lim texnologiyalari

Aralash modeli. Ushbu model masofaviy va kunduzgi ta’lim turlarini integratsiyalashtirish uchun yaratiladi. Talabalar o’quv kursning bir kismini kunduzgi, boshqa qismini esa masofadan o’qiydi. Shu bilan birga bu ta’lim turiga virtual seminar, prezentatsiyalar va video-ma’ruzalar o’tkazish ham kiradi. Bu modelga misol qilib Yangi Zelandiyadagi Massey Universitetining (Massey University, New Zealand) ta’lim shaklini keltirish mumkin.

Konsorsium (lot. “consortium” – sheriklik, birgalikda ishtirok etish). Ushbu model ikkita universitetni bir-biri bilan birlashishni talab qiladi. Ushbu muassasalardan biri o’quv kurslarni tashkil etishni ta’minlasa, ikinchisi esa ularni tasdiqlab, o’quv kurslariga talabalarni ta’minlaydi. Shu bilan birga bu jarayonda faqat universitetlar emas, balki bitta kafedra, o’quv markazi yoki universitet o’rnida ta’lim sohasidagi boshqa muassasalar ham qatnashishi mumkin. Ushbu modelda o’quvkurslarini doimiy ravishda nazorat qilish va mualliflik huquqlarini tekshirish zarur bo’ladi. Bu modelga misol qilib Kanadadagi ochiq o’quv Agentligidagi (Open Learning Agency, Canada) ta’limni olishmumkin.

Franchayzing (ingl. “franchise” – litsenziya, huquq). Ushbu model ikkita universitet bir-biri bilan o’zlari yaratgan o’quv kurslar bilan almashishadi. Masofaviy ta’lim sohasida yetakchi bo’lgan o’quvmuassasa bu sohada ilk qadam qo’yadigan muassasaga o’zining o’quvkurslarni taqdim qiladi. Ushbu modelda ikkala muassasa talabalari bir xil ta’lim va diplomlar olishadi. Buyuk Britaniyaning Ochiq universiteti qoshidagi Biznes Maktabi (Open University Business School, Great Britain) bilan o’zaro hamkorlikka erishgan Sharqiy Yevropadagi qator universitetlar ana shu modelga asoslanib o’quv faoliyatini tashkil etadi.

Validatsiya (lot. “validus” – kuchli, sog’lom, munosib; ingl. “validation” – qoniqish, qanoatlanish). Ushbu model universitet va

uning filiallari bilan bo’lgan munosabatlarga o’xshash. Bu modelda bitta universitet o’quv kurs va diplomlarni kafolatlasa, qolgan bir nechta universitetlar talabalarni ta’minlaydi.

7.