O’zbekiston Respublikasi Sogliqni Saqlash Vazirligi Buxoro Davlat tibbiyot instituti Gematologiya va klinik laborator diagnostika kafedrasi Gematologiya fanidan ishchi o’quv dastur

O’zbekiston Respublikasi Sogliqni Saqlash Vazirligi
Buxoro Davlat tibbiyot instituti
Gematologiya va klinik laborator diagnostika kafedrasi

Gematologiya fanidan
ishchi o’quv dastur
Davolash fakulteti
III- kurs talabalari uchun

Bilim sohasi: 500000- Sog‘liqni saqlash va ijtimoiy ta’minot

Ta`lim sohasi: 510000- Sog‘liqni saqlash
Ta'lim yo‘nalishlari : 5510100 -Davolash ishi
Kurs 3
Soat hajmi – 94
Shu jumladan:
Ma`ruza – 8
Amaliy mashg`ulot – 18
Кlinik amaliyot – 28
Mustaqil ish – 40


Buxoro 2021 yil

Kirish
Ushbu dastur gematologiya fani qonuniyatlari, fan tarixi va rivojining tendenstiyasi, istiqboli masalalarini qamraydi hamda bo’lg’usi umumiy amaliyot vrachlarida klinik fikrlash, kasallik va uning belgilarini asoslash uchun zamin yaratib beradi.
Gematologiya - qon va qon yaratuvchi a'zolar, ularning norma va patologiyadagi tuzilishi va faoliyati haqidagi fandir. Gematologiya fani keng tarqalgan qon tizimi kasalliklarining etiologiyasi, patogenezi, klinik belgilari, diagnostikasi, davolash tamoyillari, birlamchi va ikkilamchi profilaktika choralari xakida batafsil ma'lumot beradi. Klinik gematologiyaning amaliy ahamiyati qon kasalliklarining umumiy kasalliklar ichida egallagan o‘rni va ko‘pgina boshqa kasalliklarda (terapevtik, xirurgik, infeksion va b.) qon tahlilining diagnostik va prognostik ahamiyati bilan belgilanadi. Jadal ravishda dispanser va poliklinikalarda bemorlarni zarur tekshirishlardan o‘tishi va ratsional davolash taktikasi qayta ishlab chiqilmoqda.
Gematologiyaning asosiy bo‘limlaridan biri klinik transfuziologiya bo‘lib, qon va qon komponentlari, qon o‘rnini bosuvchi suyuqliklar klassifikatsiyasi, qon preparatlari va komponentlari xarakteristikasini o‘rganib, ularni parenteral yuborganda davolash effektivligi va organizm har xil a'zolariga ta'sir mexanizmini ko‘rib chiqadi. Gematologiya kursi mobaynida talabalar gematologik bemorlarning anamnezini yig‘ish, kasallikni asosiy klinik-gematologik belgilarini aniqlash, gematologik bemorlarning laborator-instrumental tekshiruv natijalarini intepritatsiya qilish, qon tizimi kaslliklarida dastlabki va klinik tashxisni asoslash xamda ifoda etishni o‘rganadilar.
Berilgan dastur davolash fakulteti talabalarining gematologiya fanidan olgan teoretik bilim va amaliy ko’nikmalarini bilish darajasini aniqlaydi.
Dastur o‘zida qon kasalliklarining hozirgi zamonda har xil rivojlanish aspektlarini aks ettiradi. Davolash fakulteti talabalariga berilgan fanni o‘qitish vazifalarini inobatga oladi.