O’zbekiston Respublikasi Sogliqni Saqlash Vazirligi Buxoro Davlat tibbiyot instituti Gematologiya va klinik laborator diagnostika kafedrasi Gematologiya fanidan ishchi o’quv dastur

Fanning o‘quv rejadagi boshqa fanlar bilan o‘zaro bog‘liqligi
va uslubiy jihatdan uzviyligi
Gematologiya fani tibbiy klinik fan hisoblanib, davolash ishi yo‘nalishida tahsil olayotgan 3- kurs talabalariga mo‘ljallangan va quyidagi fanlar bilan o‘zaro bog‘liq: normal va patologik fiziologiya, normal anatomiya, gistologiya, patologik anatomiya, bioximiya, biologiya, ichki kasalliklar propedevtikasi, fakultet terapiya, farmakologiya, immunologiya fanlaridan yetarli bilim va ko‘nikmalarga ega bo‘lishni talab etadi.


Fanning ilm-fan va ishlab chiqarishdagi o‘rni
Gematologiya fani talabalar bilimlar asosini shakllantirishda muhim ahamiyatga ega. U boshqa zaminiy fanlar bilan birgalikda eng ko‘p uchraydigan gematologik kasalliklarida bemorlarga parvarishni ilmiy asoslangan holda bajarish to‘g‘risida yaxlit ma'lumot berish, shu bilan birga talabada klinik fikr yuritishni rivojlanishini ta'minlaydi.


Fanni o‘qitishda zamonaviy axborot va pedagogik texnologiyalar
Gematologiya fanining o‘zlashtirishlari uchun o‘qitishning ilg‘or va zamonaviy usullaridan foydalanish, yangi informatsion-pedagogik texnologiyalarni tatbiq qilish muhim ahamiyatga egadir. Fanni o‘zlashtirishda darslik, o‘quv va uslubiy qo‘llanmalar, ma'ruza matnlari, tarqatma materiallar, kompyuter dasturlari, elektron materiallardan foydalaniladi. Ma'ruza va amaliy darslarda mos ravishdagi ilg‘or pedagogik texnologiyalar qo‘llaniladi.
“Gematologiya ” fanini loyihalashtirishda quyidagi asosiy konseptual yondoshuvlardan foydalaniladi:
Shaxsga yo‘naltirilgan ta'lim. Bu ta'lim o‘z mohiyatiga ko‘ra ta'lim jarayonining barcha ishtirokchilarini to‘laqonli rivojlanishlarini ko‘zda tutadi. Bu esa ta'limni loyihalashtirilayotganda, albatta, ma'lum bir ta'lim oluvchining shaxsini emas, avvalo, kelgusidagi mutaxassislik faoliyati bilan boliq o‘qish maqsadlaridan kelib chiqqan holda yondshilishni nazarda tutadi.
Tizimli yondoshuv. Ta'lim texnologiyasi tizimning barcha belgilarini o‘zida mujassam etmog‘i lozim: jarayonning mantiqiyligi, uning barcha bo‘g‘inlarini o‘zaro bog’langanligi, yaxlitligi.