O‘zbekiston Respublikasi Qishloq
va suv xo‘jaligi vazirligi
Samarqand qishloq xo‘jalik instituti
QISHLOQ ХO‘JALIK
BIOТEХNOLOGIYASI
(
muammoli ma’ruza matnlari)
S a m a r q a n d - 2005 yil
2
Ushbu muammoli ma’ruza matnlari qishloq xo‘jalik Oliy o‘quv
yurtlarining Agronomiya, Agrokimyo va tuproqshunoslik, Seleksiya va
urug‘chilik, Agropedagogika, Qishloq xo‘jalik mahsulotlarini yet-
ishtirish, saqlash va dastlabki qayta ishlash texnologiyasi bo‘limi tala-
balari uchun mo‘ljallangan.
Ma’ruza matnlari O‘simlikshunoslik, seleksiya va urug‘chilik
kafedrasining 2005 yil 20 maydagi 11-sonli, Agronomiya fakulteti uslu-
biy kengashining 2005 yil 16 iyundagi 12–sonli yig‘ilishlari va institut
Markaziy attestatsiya va uslubiy kengashining 2005 yil 22 oktabragi 2-
sonli yig‘ilishida ko‘rib chiqilib, chop etishga ruxsat etilgan.
Mualliflar – qishloq xo‘jalik fanlari nomzodlari,
dotsent A.Elmurodov va dotsent v.b. A.Hamzayev
Тaqrizchilar:
Biologiya fanlari doktori, professor Z.Ismoilov
Qishloq xo‘jalik fanlari doktori I.Т.Ergashev
3
Adabiyotlar
1. Шевелуха В.С. и др. Сельскохозяйственная биотехноло-
гия. М. Высшая школа. 2003.
2. Мурамцев Е.С. и др. Основы сельскохозяйственной био-
технологии. М. Наука. 1990.
3. Бутенко Р.К. Культура клеток растений и биотехнология.
М. 1986.
4. Шевелуха В.С. Новая биотехнология в селекции и расте-
ниеводстве. Вестник с-х. Наука. 1986. №2.
5. Тo‘raqulov Yo.Х. Molekulyar biologiya. Т. O‘qituvchi. 1993.
6. Nasriddinov K., Mamadaliyev K. Biotexnologiya. Andijon.
QХI. 2003.
7. Davronov Q.D., Zuparov M.A. Тurabova Ya.U. Qishloq
xo‘jalik biotexnologiyasi. Ma’ruza matnlari to‘plami.
ТoshDAU. 2000.
8. Aberkulov M. Genetika va biotexnologiya. Ma’ruza matnlari.
2000.
9. Нейфах А.А. Клеточные и генетические основы биотехно-
логии. Ж. Биология. 1987. № 3.
10. Березин И.В., Яцимирский А.К. Биотехнология и ее пре-
спективы. Ж. Биология. 1986. № 11.
11. Газарян К.Г., Тарантул В.З. Биотехнология зарубежом. Ж.
Биология. 1990. № 10.
12. Газарян К.Г. Генетический инженерия растения. Ж. Био-
логия. 1990. № 4.
4
1-mavzu: Kirish
Reja
1. Qishloq xo‘jalik biotexnologiya fanining maqsadi, vazifalari,
ob’ekti va tadqiqot uslublari.
2. Biotexnologiya faning qisqacha rivojlanish tarixi.
3. Biotexnologiya faning biologiya fanlari ichida tutgan o‘rni.
4. Qishloq xo‘jalik biotexnologiyasi faning yutuqlari va istiqbollari.
Adabiyotlar: 1, 2, 3, 4, 7, 10, 11, 12
Тayanch iboralar: biotexnologiya, molekulyar biologiya, tirik or-
ganizmlar texnologiyasi, gen injeneriyasi, irsiyatni boshqarish, XXI asr
- gen injeneriyasi asri, transplantatsiya, transgen.
1960-1970 yillarda gen va hujayra injeneriyasi, hujayra biologiyasi
va kimyosi, oqsil va fermentlar injeneriyasi, texnikaviy mikrobiologiya
hamda texnikaviy bioximiya yutuqlariga asoslangan ishlab chiqarish
usuli - biotexnologiya paydo bo‘la boshlagan. Lekin biologik usulda ish-
lab chiqarish jarayoni qadim zamonlardan bizga ma’lum. Masalan, non,
vino, sut mahsulotlari, pishloq ishlab chiqarish, bijg‘itish. Тibbiyotda
ishlatiladigan dorilarni ishlab chiqarish usullariga qaraganda energiya
xom ashyoni ko‘p talab qilmaydi. Bu usulning yana bir qulaylik tomoni
shundaki, bu jarayon natijasida hosil bo‘lgan chiqindilar kam va ular al-
batta yana bir boshqa maqsadlar uchun ishlatiladi. Biotexnologiya key-
ingi yillarda genetik injeneriyaning yutuqlariga suyangan holda yanada
rivojlanmoqda. Shunday tarmoqlar dastlab 1976 yili Amerikada, keyin-
chalik esa Yevropada va Yaponiyada paydo bo‘ldi. Biotexnologiya ja-
rayonlari mikrobiologiya sanoati, o‘simlik va hayvon seleksiyasi, fer-
mentlar ishlab chiqarish sanoati, oziq-ovqat sanoati, tibbiy dori-
darmonlar ishlab chiqarish va boshqa sohalarda keng qo‘llanilmoqda.
Hozirgi kunda biotexnologiya usullari asosida ko‘plab (4500 ga yaqin)
antibiotiklar olinmoqda.
Molekulyar biologiya va genetika biotexnologiyaning nazariy asosi
hisoblanadi. Biotexnologiya fani yo‘nalishlariga gen, hujayra va fer-
mentlar injenerligi, texnologik bioenergetika, membrana texnologiyasi,
immunobiotexnologiya, ekologik biotexnologiya kabi bo‘limlar kiradi.
5
Shu yo‘nalishlar yordamida hozirgi paytda seleksiya va urug‘chilik,
o‘simlikshunoslik va chorvachilikdagi dolzarb muammolar hal qi-
linmoqda. Jumladan veterinariya sohasida yangi preparatlar olish, toza
garmonlar olish va ularni ishlatish texnologiyalari ishlab chiqilmoqda.
Suv havzalari, tup-roqni, havoni biotexnologik ob’ektlar va uslublar
yordamida tozalash muammosi hal qilinmoqda.
Yangi genetik usullarning paydo bo‘lishi bilan irsiyatni organizm
darajasida qayta tuzish imkoniyati tug‘ildi. Yadrosiz tuxum hujayraga
shu organizmning somatik hujayra yadrosini ko‘chirib o‘tkazish bilan
genotipi bir xil bo‘lgan organizmlarni olish mumkin. Agar shu usulni sut
emizuvchilarda o‘tkazilsa, juda katta amaliy foydaga erishish mumkin.
Chunki qoramollar, qo‘ylar va boshqa qishloq xo‘jalik hayvonlari
orasida sersut, seryog‘, serjun, go‘shtdorlari uchraydi. Jinsiy
ko‘payishda bu yaxshi belgilar yuzaga chiqmasligi mumkin.
Keyingi paytlarda jahon bo‘yicha gen injenerligiga yoki boshqacha
aytganda rekombinant DNK olish texnologiyasiga katta e’tibor
berilmoqda va shu bilan biotexnologiya fanining hozirgi zamon
yo‘nalishiga asos solinmoqda. Ma’lumki, DNK molekulasi ikkita zan-
jirli bo‘lib, ularning har birida nukleotdlar galma-gal joylashgan. Irsiy
belgilar to‘g‘risida axborot shularda saqlangani uchun, ularning irsiylan-
ishi fanda va amaliyotda muhim ahamiyat kasb etadi. DNK moleku-
lasida axborot saqlaydigan nukleotidlar to‘plamiga genlar deyilib, ular
ham maxsus ximiyaviy tarkibiga ega. Agar biz genlarning ximiyaviy
tarkibini va ular DNK molekulasining qaysi qismida joylashganligini
hamda qanday belgini nazorat qilishini bilsak, unda biz DNK molekula-
sidan kerakli joyini kesib olib boshqa DNK molekulasiga o‘tkazish yo‘li
bilan, nafaqat organizm xossasini o‘zgartiramiz balki naslni ham shunga
muvofiqlashtiramiz. Shunday qilib, bu manipulyatsiyani gen mikroxi-
rurgiyasi deyish mumkin. Keyinchalik bu yo‘nalish gen injeneriyasi deb
atala boshladi. Albatta DNK molekulasining ayrim qismlari mexanik
yo‘l bilan qirqilmaydi, balki ximiyaviy usul bilan, aniqrog‘i maxsus
fermentlar restriktazlar yordamida amalga oshirilsa, kesib olingan
qismlarni boshqa organizm DNK siga ulash yoki tikish ligaza ferment-
lari yordamida bajariladi.
Shunday qilib, biotexnologiya fanining asosi hujayra, molekulyar
biologiya va gen injenerligi hisoblanadi. Hozirgi kunda amaliyotda bio-
texnologiya asosida sanoat mikrobiologiyasi, mikrobiologik sintez keng
ko‘lamda rivojlanmoqda. Bularga antibiotiklar, muhim aminokislotalar
6
va o‘sishni boshqaradigan biologik aktiv moddalar olish industriyasi
kiradi. Lekin hozirgi vaqtgacha yuqori darajada rivojlangan organizmlar
uchun molekulyar biologiya ko‘zga ko‘rinarli amaliy natija bera olmadi.
Shu bilan birgalikda qishloq xo‘jaligining ko‘pchilik sohasida, masalan
o‘simlik va hayvonlar hujayrasi texnologiyasi, mikrobiologik yo‘l bilan
havodan azot olish, himoya qilish, veterinariya va ekologiya, o‘simlik va
hayvonlar ontogenezini ximiyaviy usulda (garmon yordamida)
boshqarish va boshqa sohalarda ishlar olib borilmoqda. Ana shu sohalar
amaliy natija berish uchun, uning quyidagi bo‘limlari yuqori darajada
rivojlangan bo‘lishi kerak:
1. O‘simlikshunoslik, chorvachilik va veterinariya gen injenerligi.
2. Qishloq xo‘jaligi fani va amaliyotda hujayra texnologiyasi.
3. Chorvachilikda embrionlar transplantatsiyasi va hujayra in-
jenerligi.
4. Qishloq xo‘jalik mikrobiologiyasida biotexnologik yunalishlar.
5. O‘simliklarni o‘sishi va rivojlanishini boshqaradigan biologik ak-
tiv moddalarni (garmonlarni) o‘rganish.
Agar shularga qisqacha tafsif beradigan bo‘lsak, qishloq xo‘jaligi
biotexnologiyasining gen injenerligi oldida turgan birinchi galdagi vazi-
fa o‘simlik va hayvonlardagi har bir genni bilgan holda xo‘jalikka foy-
dali belgilarning yuzaga kelishi mexanizmini molekulyar asoslash va
shu jarayonni boshqaradigan elmentlarni topish. Ikkinchi galdagi vazifa
rekombinant DNK olish texnologiyasini tezkorlik bilan ishlab chiqarish.
Uchunchi galdagi vazifa fundamental va amaliy ishlar o‘rtasida o‘zilish
bo‘lmasligini ta’minlash. Buning uchun amalda qo‘llash mumkin
bo‘lgan ishlarni amaliyotga tadbiq qilishga yordam berish.
Ma’lumki, amaliy seleksiya ikkita muhim yondoshishga bog‘liq: bi-
rinchidan irsiy xilma-xillikka va ikkinchidan genotiplar seleksiyasiga.
Hujayra texnologiyasi irsiy xilma-xillikni yaratishda mutloq
boshqacha yo‘l tutadi, ya’ni o‘zini klonlash natijasida hujayrada in-
duksiyalashgan mutant olish, hujayra seleksiyasi, somatik hujayralarni
gibridlash, sitoplazmatik genlarni ko‘chirib o‘tkazish va boshqalar.
Agar chorvachilikda sun’iy qochirish sistemasi ishlab chiqilgandan
keyin bir buqadan minglab nasl olish imkoniyati tug‘ilgan bo‘lsa, yuqori
mahsuldor sigirdan nasl olish esa past darajada (5-6 ta buzoq) bo‘lib,
mana shu tabiiy to‘siqni olib tashlash biotexnologiya tufayli amalga
oshdi. Shunday usullardan biri embrionlarni ko‘chirib o‘tkazishdir. Em-
brionlarni ko‘chirib o‘tkazish esa o‘z navbatida quyidagi 4 omilga
7
bog‘liq: 1. ko‘plab urg‘ochi hujayralarni chiqarish va ularni otalantirish:
2. embrion yig‘ish: 3.embrionni ko‘chirib o‘tkazish: 4.embrionni mu-
zlatish va saqlash.
Ma’lumki qishloq xo‘jaligida yer ishlab chiqarishning asosi
hisoblandi. Yerning unumdorligi esa uning tarkibidagi saprofit bakteri-
yalarga bog‘liq. Ularning asosiy vazifasi yerdagi organik moddalarni
o‘simliklar foydalanadigan daraja keltirish va havodan azotni
o‘zlashtirishdir. Bu jarayondagi biotexnologiyaning vazifasi yer tar-
kibidagi bakteriyalarga ta’sir o‘tkazib ularni o‘zgarib borayotgan sha-
roitga moslashtirishdir.
Hozirgi kunga kelib biotexnologik usullar bilan 5000 dan ortiq
garmonlar sintez qilingan va shulardan atigi 1 % amaliyotda ishlatiladi.
Shularni o‘simlikshunoslikda qo‘llash va yangi texnologiyalarni ishlab
chiqish ham biotexnologiya vazifasiga kiradi.
Biotexnologiya - bu o‘ta muhim mikrobiologik jarayonlarni yaratish
va ulardan sanoat usulida foydalanish orqali zarur bo‘lgan mikrob hujay-
ralari, organellalar va fermentlarini ishlab chiqarish hamda ulardan xalq
xo‘jaligi va meditsinada foydalanishning nazariy va amaliy tomonlarini
yoritib beradigan fandir. Bu fan asosan mikrobiologiya, fiziologiya, bi-
oximiya va genetika fanlari yutuqlari asosida tashkil qilingan bo‘lib, un-
ing zaminida ko‘zga ko‘rinmas mikroorganizmlar faoliyatidan unumli
va oqilona foydalanish yotadi.
Qishloq xo‘jaligi biotexnologiyasidan bilim oladigan talabalar, aso-
san mikroorganizmlardan sanoat usulida foydalanish yo‘l-yo‘riqlarini
o‘zlashtirish bilan bir qatorda, bu fanning istiqbolli yo‘nalishlari
bo‘yicha ham fikr yuritish qobiliyatlariga ega bo‘lmoqlari lozim.
Mikroorganizmlar o‘zlarining keng tarmoqli fermentlar sistemasi
tufayli, o‘sish, rivojlanish va ko‘payish jarayonlaridan, hayotiy zarur, in-
soniyat uchun xizmat qila oladigan minglab fiziologik faol moddalar
ishlab-chiqarish imkoniyatlariga ega. Bundan tashqari mikroorganizmlar
har xil tabiiy va kimiyoviy birikmalarni o‘ta muhim moddalarga aylan-
tirish (modifikatsiya qilish) imkoniyatlariga egadirlar.
Insoniyat paydo bo‘lgandan buyon bilib-bilmay mikroorganizmlar
faoliyatidan foydalanib kelganlar.
Non pishirish, pivo, vino, uksus, qatiq tayyorlash kabi qadimiy
texnologiyalar mikroorganizmlar ishtirokida amalga oshishini hozirga-
cha ham hamma bilavermaydi. Yuqorida zikr etilgan jarayonlarni
ko‘pchiligi insoniyat hali mikroorganizmlar haqida bilimga ega
8
bo‘lmagan vaqtlardan beri mavjudligi fikrimizning dalilidir. Qadim qa-
dimlarda (ko‘pincha hozir ham) bu jarayonlarda achitqi sifatida, shu
mahsulotlarga havo va suv orqali qolgan mikroorganizmlar faoliyat
ko‘rsatgan. Non yopishda hamirturushdan yoki qatiq tayyorlashda bir
qoshiq eski qatiqdan foydalanish zarurligi hammaga ma’lum. Ammo,
hamirturushda saxaromitsetlar, qatiqda esa sut achituvchi bakteriyalar
borligini hozirgacha ham ko‘pchilik bilmaydi.
Bugungi kunda mikroorganizmlar xalq-xo‘jaligining har xil tar-
moqlari uchun sut kislotasi, limon kislotasi, yog‘ kislotalari, etil spirti,
atseton, butanol va yuzlab boshqa mahsulotlar yetkazib beradilar.
Mikroorganizmlardan sut kislotasi, butanol va atseton olish
texnologiyalarini birinchilardan bo‘lib rus olimi V.N.Shaposh-nikov
(1884-1968) va uning shogirdlari N.D.Iyerusalimskiy (1901-1967),
M.N.Bexteryova,
limon
kislotasi
olish
texnologiyasini
esa
S.P.Kostucheva (1877-1931) va I.Sbutkevich (1872-1942) yaratganlar.
Mikroorganizmlardan biotexnologiya jarayonlari uchun foydalanish
usullari. Biotexnologiyaning rivojlanishi tarixi ko‘p ma’noda XX asrn-
ing ikkinchi yarimi bilan bog‘liq. O‘tgan asrning 40 yillarida mikroor-
ganizmlardan pensilin olish texnologiyasining yaratilishi bu fan rivojiga
ijobiy burilish yasadi. Penitsilin ishlab chiqarishning yo‘lga qo‘yilishi va
muvaffaqiyat bilan ishlatilishida, keyingi avlod antibiotiklarini qidirib
topish, ularni ishlab chiqarish texnologiyalarini yaratish va qo‘llash
usullari ustida ishlarini tashkil qilish zarururligini oldindan belgilab
qo‘ydi. Bugungi kunda 100 dan ortiq antibiotiklar ishlab chiqarish
texnologiyalari hayotga tadbiq qilingan.
Antibiotiklar ishlab-chiqarish bilan bir qatorda aminokislotalar,
fermentlar, garmonlar va boshqa fiziologik faol birikmalar tayyorlash
texnologiyalari ham yaratila boshlandi. Bugungi kunda meditsina va
qishloq xo‘jalik uchun zarur bo‘lgan aminokislotalar (ayniqsa organiz-
mda sintez bo‘lmaydigan aminokislotalar), fermentlar va boshqa fizi-
ologik faol moddalar ishlab chiqarish texnologiyalari yo‘lga qo‘yildi.
Oxirgi 20-30 yillarda, ayniqsa mikrob oqsilini olish texnologiyasi
rivojlanib ketdi. Qishloq xo‘jaligi uchun o‘ta zarar bo‘lgan bu mahsulot-
ni ishlab chiqarish bilan bir qatorda undan unumli va oqilona foyda-
lanish yo‘llari amalga oshirilmoqda. Oqsil ishlab chiqarishda har xil chi-
qindilardan (zardob, go‘sht qoldiqlari) va parafindan foydalanish mum-
kinligi tasdiqlangan. Hozirgi paytda buning uchun metan va metanoldan
foydalanish mumkinligi ham ko‘rsatib o‘tilgan.
9
Keyingi vaqtda biotexnologiyaning rivojlanishi immobillashgan
(maxsus sorbentlarga bog‘langan) fermentlar va mikroorganizmlar
tayyorlash texnologiyalarini yaratilishi bilan uzviy bog‘liq bo‘ldi. Im-
mobilizatsiya qilingan fermentlarni har xil jarayonlarda ishlatilishi (fer-
mentlar muhandisligi) bu biokatalizatorlardan foydalanishni yanada
faollashtirib yubordi. Endilikda fermentlar bir martaba emas, bir necha
martaba (hatto bir necha oylab) ishlatiladigan bo‘lib qoldi.
Mikroorganizmlar faoliyati va imkoniyatidan foydalanish, ularning
hosildor turlarini (shtammlarini) yaratish bilan bog‘liq. Bunday vazifani
mikrobiologlar bilan uzviy hamkorlikda genetiklar va gen muxandisligi
usullaridan xabardor bo‘lgan boshqa mutaxasislar amalga oshiradilar.
Mikrob preparatlarni ishlab chiqarishni faollashtirishning yana bir yo‘li
ikki yoki undan ortiq bo‘lgan, biri-ikkinchisining faolligini oshirib be-
raoladigan (simbiozda ishlaydigan) mikroorganizmlar assotsiyasidan
foydalanishdir. Bu yo‘l hozirgi vaqtda fermentlar, antibiotiklar, vitamin-
lar va metan gazi olishda hamda oqava suvlarni tozalash jarayonlarida
keng qo‘llanilib kelinmoqda.
Biotexnologiyaning asosini hujayra faoliyati tashkil qilar ekan, faol
hujayralarni saqlash va ulardan foydalanish sharoitlarini aniqlash eng
muhim vazifalaridan biridir.
O‘zbekistonda
biotexnologiyaning rivojlanish tarixi. Bio-
texnologiya O‘zbekistonda eng kenja fanlardan bo‘lib, uning tarixi
uzoqqa bormaydi (qadimiy biotexnologlar: non yopish, qattiq tayyorlash
va h.k. bundan istisno). Bu fan asosan O‘zbekiston Fanlar Akademi-
yasining
mikrobiologiya institutida hamda Respublika Kimyo
birlashmasiga qarashli bir qator zavodlarda (Yangiyo‘l biokimyo zavodi,
Andijon gidroliz zavodi, Qo‘qon spirt zavodi) rivojlanib kelmoqda. Bio-
texnologiya
ixtisosligi
bo‘yicha
birinchi
o‘zbek
akademigi
A.G’.Хolmurodov (1939-1996) fuzarim avlodiga mansub zambu-
rug‘lardan NAD-koferment va vitaminlar kompleksi (V guruhga kiru-
vchi vitaminlar, vitamin RR, Q 10 va h.k.) tayyorlash texnologiyasini
yaratdi. Akademik M.I.Mavloniy O‘zbekistonda uchraydigan achitqi
zamburug‘larini tahlil qilib, ularni nonvoychilik, vinochilik va
chorvachilikka qo‘l keladigan turlarini topdi va ular asosida maxsus ha-
mirturushlar va vinochilik uchun achitqi tayyorlash texnologiyalarini
yaratdi.
Professor Q.D.Davronov sobiq ittifoqda birinchilardan bo‘lib yog‘
parchalovchi ferment-lipazani tayyorlash texnologiyasini yaratdi. Bu
10
fermentni ko‘p shaklliligi sabablarini tahlil qila turib, har bir bio-
texnologiya jarayoni uchun o‘ziga xos spetsifiklikka ega bo‘lgan lipaza
fermenti zarur degan fikrga keldi va buni amaliyotga tasdiqlab berdi.
Q.Davronov yaratgan "Yer malxami" biopreparati, azot yutuvchi
mikroorganizmlar asosida tayyorlangan bo‘ulib, mamalakatimiz qishloq
xo‘jaligida keng qo‘llanilmoqda. Bundan tashqari Q.D.Davronov rax-
barligida sellyulozaligini biokarkasini (g‘o‘zapoya, somon, kanop poya-
si, apelka va boshqalar, maxsus tayyorlangan bazidiomitsetlarning fer-
mentlari ishtirokda tabiiy sellyulozaligini birikmalari parchalanishini
amaliyotda ko‘rsatib berildi.
B.f.d. J.Тoshpulatov, somon va g‘o‘zapoya parchalashda "traxo-
derma xarzianum" deb atalmish zamburug‘ fermentlaridan foydalanish
mumkinligini ilmiy asoslab berdi va bu texnologiyani amaliyotga
qo‘llash taklif va mulohozalarini chop etdi. J.Тoshpulatov yaratgan bu
texnologiya qo‘llanilganda somonda shakar miqdori 6-7 % ga yetgani,
unda vitaminlar, aminokislotalar bo‘lganligi va shu tufayli samonni ozu-
qa birligi oshganligi isbotlab berilgan.
O‘zbek
olimlaridan
M.M.Murodov,
Т.Yu.Yusupov,
Т.G’G’ulomova,
A.Ergashev,
A.I.Nuriddinov,
Z.R.Axmedova,
S.M.Хodjiboyeva, Z.F.Ismoilov, I.J.Jumaniyozov va boshqalar mamla-
katimizda biotexnologiyaning rivojlantirish ustida chuqur ilmiy va ama-
liy ishlar olib bormoqdalar.
Qishloq xo‘jalik biotexnologiyasining asosiy yo‘nalishlari bo‘yicha
yirik izlanishlar olib borayotgan kompaniyalar 1-jadvalda keltirilgan.
Mavzuning muammoli masalalari
1. Nazariy ma’lumotlar asosida fanning istiqbollarini aniqlang?
2. O‘zbekistonda qishloq xo‘jalik biotexnologiyasining asosiy
yo‘nalishlardagi vazifalari?
Muhokama uchun savollar
1. Qishloq xo‘jalik biotexnologiyasi fanining maqsadi, vazifasi?
2. Biotexnologiyaning yuzaga kelishi?
3. Biotexnologiyaning asosiy yo‘nalishlari?
4. O‘zbekistonda va jahonda tashkil etilgan yirik biotexnologik la-
boratoriyalar?
11
5. Biotexnologiyaning istiqbollari?
Do'stlaringiz bilan baham: |