O‘zbekiston respublikasi oliy vao‘rta maxsus ta’lim vazirligi buxoro davlat universiteti filologiya fakulteti

O‘ZBEKISTON RESPUBLIKASI
OLIY VAO‘RTA MAXSUS TA’LIM VAZIRLIGI


BUXORO DAVLAT UNIVERSITETI
FILOLOGIYA FAKULTETI
O‘ZBEK ADABIYOTI KAFEDRASI
KURS ISHI


MAVZU: Alisher Navoiy g`azallarida badiiy san`atlar
(2020-2021 o`quv yili)


Bajardi: F. Hasanova
Ilmiy rahbar: N. O`roqova
BUXORO – 2021
Mavzu: Alisher Navoiy g`azallarida badiiy san`atlar
Reja:


Kirish
1-bob. Navoiy asarlarida badiiy san`atlar.
1.1. Alisher Navoiy g`azal mulkining sultoni
1.2. Navoiyning ma’naviy san’atlardan foydalanish mahorati.


2- bob. Navoiy lirikasida she’riy san’atlar jilosi.
2.1. Takrir va mukarrar san’ati.
2.2. Tasdir san’ati va tasbig’ san’ati
Xulosa


Foydalanilgan adabiyotlar

Mavzuning dolzarbligi. Alisher Navoiy arab, forsiy va turkiy tillarni mukammal bilgan holda bu tillarda asarlar ijod etardi. Uning she’riyatida ham bunday sifat ko'zga tashlanadi. Alisher Navoiyning turkiy tildagi she’riyati shoirning jahoniy sho'hratini ta’min etgan bo'lsa, fors-tojik tilida bitgan she’rlari ham uning forsigo'ylar orasidagi ulkan mavqeini yana bir karra tasdiqladi. Shunisi borki, ikki tilda yaratilgan she’riyat ham Alisher Navoiy kabi daho qalamiga mansub ekan, ularni yaxlit holda o'rganish va talqin qilish lozim. Chunki shoirning olijanob maqsad va fikrlari, yaratgan timsol (obraz)lari har ikki tilda bitgan she’riyatda ham ifoda etilganligi sifatida o’rganish bugunigi kunda nafaqat ma’naviy ehtiyoj, balki zaruriyatga aylandi. Bu ishimizning dolzarblik xususiyatini belgilab beradi.
Mavzuning o’rganilish darajasi. Alisher Navoiy she’riyatining o'z zamonidan hozirga qadar shuhrat taratayotgani uning mazmun va badiiyat jihatidan yuksak darajada bo'lib, nazm mulkining sohibqironi qalamiga mansubligini hamisha namoyon etadi. Bu holni Alisher Navoiyning zabardast zamondoshlari malik ul-kalom mavlono Lutfiy, Abdurahmon Jomiy, Sulton Husayn Boyqaro –Husayniy, kichik zamondoshlaridan Zahiriddin Muhammad Bobur, Zayniddin Mahmud Vosifiy va boshqalar ham samimiyat va hurmat bilan e’tirof etganlar. Keyinchalik esa bunday e’tirofning doirasi faqat Sharq bilan chegaralanib qolmay, balki G'arb ham bunga qo'shildi. Natijada ulug' shoir va mutafakkir merosining jahoniy ahamiyatga molikligi tan olindi va olinmoqda.