O‟zbekiston respublikasi oliy va o‟rta

BIRLAMChl TIBBIY-SANITARIYa YoRDAMI — davlat sog‘liqni saqlash tizimi, ijtimoiy ta‘minot, jamoat birlashmalarining muassasalari ko‘rsatadigan birlamchi tibbiy-sanitariya yordami tibbiy xizmat ko‘rsatishning asosiy, qulay va bepul turi bo‘lib, quyidagilarni o‘z ichiga oladi:
eng ko‘p tarqalgan kasalliklar, shikastlanish, zaharlanish va shoshilinch yordam talab etiladigan boshqa holatlarni davolashni;
sanitariya-gigiyenaga doir va epidemiyaga qarshi chora-tadbirlar, eng muhim kasalliklarning tibbiy profilaktikasini o‘tkazishni;
oilani, onalik va bolalikni muhofaza qilish tadbirlarini, turarjoylarda fuqarolarga tibbiy-sanitariya yordami ko‘rsatish bilan bog‘liq boshqa chora-tadbirlar ko‘rishni.
Xususiy va boshqa xil sog‘liqni saqlash tizimlarining muassasalari tomonidan ko‘rsatiladigan birlamchi tibbiy-sanitariya yordami shartnoma asosida amalga oshiriladi. Ushbu Qonun 10- moddasining ikkinchi qismiga muvofiq shunday yordam ko‘rsatiladigan fuqarolarning ayrim guruhlari bundan mustasno. Birlamchi tibbiy-sanitariya yordami ko‘rsatishning hajmi va tartibini O‘zbekiston Respublikasi Sog‘liqni Saqlash vazirligi belgilaydi.

BUZILIShI LOZIM BO‟LGAN UYLAR, IMORATLAR VA INShOOTLARNING

KO‟ChlRILIShl — fuqarolar va yuridik shaxslarning xohishiga ko‘ra ularga mulk huquqi asosida tegishli bo‘lgan, buzilishi lozim bo‘lgan uylar, imoratlar hamda inshootlar ko‘chirilishi va yangi joyda tiklanishi.
Uylari (xonalari) buzilishi lozim bo‘lgan fuqarolar va yuridik shaxslar uchun ularning xohishiga ko‘ra yangi joyda uylar, imoratlar barpo etiladi hamda ularga mulk qilib beriladi, bunda buzilayotgan uylar (kvartiralar), imoratlarning qiymati pul bilan qoplanmaydi.
Uylar, imoratlar va inshootlarni ko‘chirish tartibi O‘zbekiston Respublikasi Vazirlar Mahkamasi tomonidan belgilanadi.
VAQTINChA MEHNAT QOBILIYaTI YO‟QOTILGAN KASALLANISh yoki vaqtinchalik mehnatga noqobillik — kasallanish, baxtsiz hodisa (jarohatlar va zaharlanish) yoki boshqa sabablar natijasi. Ijtimoiy sug‘urta bo‘yicha qonunchilik bilan kasbiy faoliyatni bajarishga imkon bermasligi (tug‘ishgacha va undan keyingi davrda, bemorga qarash davrida, karantin va bakteriya tarqatish davrida, sanatoriya-kurortda davolanish davrida, abort, sil yoki boshqa kasbiy kasallik bilan kasallanganligi tufayli vaqtincha boshqa ishga o‘tkazilgan davrda) qayd etilgan. Bunga turli omillar sabab bo‘ladi: mehnatning tibbiy-gigiyenik sharoiti, mehnat jarayonini tashkillashtirish, turmush sharoiti, tibbiy yordamni tashkillashtirish va uning sifati, vrach ekspertizasi sifati va b.
Ijtimoiy sug‘urta bo‘yicha qonunchilikka asosan vaqtincha mehnatga noqobil bo‘lgan barcha holatlarda ishchi va xizmatchilarni ishdan faqat vrachgina ozod qilishi mumkin. Ular mehnatga noqobillik varaqasini yoki qonunchilikda ko‘zda tutilgan hollarda ma‘lumotnoma berish huquqiga ega. Mehnatga noqobillik varaqasi qayerdan olinganligidan qat‘i nazar, ish joyida hisobga olinishi shart.