O'zbekiston Respublikasi Oliy va O’rta

2.Sug’urta bozori va uning mohiyati. 
Sug’urta bozori- 
bu sug’urta holatlari ro’y berganda jismoniy va yuridik shaxslarni 
mulkiy manfaatlarini sug’urtalanuvchilarning pul mablag’lari hisobidan himoya qilishda aks 
etuvchi sug’urta xizmatlari oldi-sotdisi bo’yicha iqtisodiy munosabatlar yig’indisi. 
Sug’urta bozori
ni amal qilishining asosiy sharti sug’urta xizmatlariga ehtiyoj (talab) va bu 
ehtiyojlarni qondirishga layoqatli sug’urtalovchilarning mavjudligidir.
 
Sug’urta bozori tarkibiy 
jihatdan tashkiliy- huquqiy va hududiy aspektlari bo’yicha bo’linishi mumkin. 
Tashkiliy-huquqiy
jihatdan aksioner, birgalikdagi, xususiy va davlat sug’urta tashkilotlaridan iborat bo’ladi.
Hududiy 
jihatdan esa milliy, mintaqabiy va xalqaro sug;urta bozorlariga bo’linadi.

Jahondagi eng yirik sug’urta bozori AQSHnikidir. Iqtisodiy jihatdan rivojlangan 
mamlakatlarda yig’iladigan sug’urta tushumlarining qariyb 40 foizdan ortig’i AQSH hissasiga 
to’g’ri keladi. 
Milliy sug’urta bozori biron-bir mamlakat hududidagi sug’urta muassasalarini va ularning 
faoliyatini qamrab oladi. Bunga O’zbekiston sug’urta bozorini misol qilib olishimiz mumkin. 
Mintaqabiy sug’urta bozori deganda savdo-iqtisodiy va boshqa jihatlardan o’zaro yaqin 
munosabatda bo’lgan bir nechta mamlakatlar hududlarini qamrab oluvchi bozor tushiniladi. 

---

70 
Xalqaro sug’urta bozorlari sifatida dunyo miqyosida sug’urta faoliyatini olib boruvchi 
mamlakatlarning sug’urta bozori tushiniladi. 
Sug’urta- 
mamlakatimizning barqaror rivojlanib kelayotgan biznes turlaridan biri 
hisoblanmoqda. Sug’urta operatsiyalarining hajmi muntazam o’sib bormoqda, sug’urtalovchilar 
esa O’zbekiston sug’urta bozorida yanada muhim ahamiyat kasb etmoqdalar. O’zbekiston 
sug’urta bozorida 28 ta sug’urta kompaniyasi faoliyat yuritishmoqda, shulardan 27 tasi umumiy 
sug’urta turlari bilan shug’ullansa, 1 tasi hayot sug’urtasi turlari bilan shug’ullanmoqda.