O’zbekiston respublikasi oliy va o’rta ta’lim vazirligi o’zbekiston davlat jismoniy tarbiya va sport universiteti

Manba: D.Brown. Handbook of Basketball Fundamentals and Drills. U.S.A. – 2010. – 17 b.
To`pni urib harakatlanish (olib yurish yoki yugurish). To`pni urib harakatlanish to`g`ri va keskin o`zgaruvchan yo`nalishlarda yurish va asosan yugurish asosida ijro etiladi.

Bunday harakatlanishlar to`pni o`ng yoki chap qo`l bilan urib to`g`ri yo`nalishida va yonlanma (o`ng yoki chap yonlanma) holatda oddiy yugurish, siljib yugurish orqali ijro etiladi.

To`pni urib harakatlanishi o`yin vaziyati va ehtiyojiga qarab quyidagi holatlarda qo`llanilishi mumkin.

– keskin shiddatda qayta hujum uyushtirishda;

– raqiblarning zich qarshiligini yorib o`tishda;

– himoyachini “aldab - chalg`itib” o`tib to`pni “ochilgan” (qulay joyda turgan) sherigiga uzatish yoki savatga tashlash uchun harakatlanishda (6-7-rasmlar);

– raqibni “o`z oldiga chaqirish”, raqiblar va o`z o`yinchilarining joylashish yoki raqiblar harakatini tahlil qilishda va hisobni saklash uchun o`yinni cho`zish holatlarda qo`llaniladi.

Dastlabki holatda to`pni o`ng qo`l bilan urib harakatlanishda chap oyoq oldinda o`ng oyoq orqada, chap qo`lda urib harakatlanish uchun oyoqlar aksincha joylashadi. Oyoqlarni bukilish - yozilish burchagi va gavdaning harakatlanish dinamikasi to`pni urib harakatlanish tezligi, harakat yo`nalishi va chalg`ituvchi harakat ( fint ) turiga qarab har hil bo`ladi.