O`zbеkistоn rеspublikasi оliy va o`rta maxsus

3-MA’RUZA

Mavzu: Tilshunoslikning falsafiy davri
Reja

1.Qadimgi yunon tilshunosligi.

2.Yunon tilshunosligining taraqqiyot bosqichlari.

3. Platonning “Kratil” asarida tilshunoslik masalalari.

Tilshunoslik tarixidan ma’lumki , tilshunoslikning tarixiy rivojlanish bosqichida qadimgi Grek tilshunosligining o’rni beqiyosdir . Chunki, qadimgi grek olimlari ham tilshunoslikka juda katta hissa qo’shgan edilar. Tilshunoslik Gretsiyada qadimgi grek falsafasining tarkibiy qismi sifatida va eng qadimgi klassik adabiyotini o’rganish bilan bog’liq ravishda filologik ishlarning uzviy qismi sifatida ham rivoj topdi. Qadimgi Gretsiyada ham Qadimgi Hindistondagi kabi matnlarni aniqlab, ularga izoh berish ehtiyoji fonetika va grammatika bilan shug’ullanishga majbur qilgan muhim sabablardan biri bo’lgan. Yuqoridagi sabablarni hisobga olganda qadimgi grek tilshunosligining taraqqiyotini shartli ravishda ikki davrga bo’lish mumkin:

1.Falsafiy davr,

2.Grammatik (yoki filologik) davr.

2. 
   Tilshunoslikning falsafiy davri – Antik davrda falsafa qadingi greklarda mavjud bo’lgan barcha bilim tarmog’ini o’z ichiga oladigan yahlit, yagona bir fandan iborat edi. U ilmiy bilim kurtaklari bilan san’at va mifalogiyaning ajralmas aloqasi asosida eramizdan ilgargi VI asrlarda paydo bo’ldi va shakllandi. Keyinchalik falsafadan ajralib chiqqan fanlar, ijtimoiy-siyosiy dunqarashlar u davrda boshlang’ich holatda falsafaning tarkibiga
   

kirgan. Antik dunyo faylasuflari eramizdan ilgargi VI-V asrlardayoq tilga ham falsafaning bir qismi sifatida qarab, til hodisalarining mohiyatini falsafiy jihatdan izohlaganlar. Ularning tilga bo’lgan munosabatlari, tilning mohiyatini izohlashlari tabiat va jamiyat haqidagi falsafiy qarashlaridan kelib chiqqan. U paytlarda faylasuflarning fikrini band qilgan tabiat va jamiyatdagi bog’lanish, moslik, “garmoniya” haqidagi talimot, so’z bilan predmet orasidagi munosabatni qanday izohlash lozimligini belgilar edi. Bu masala so’zlarning “to’g'riligi” haqida qadimgi grek faylasuflari orasida bo’lgan mashhur munozarada o’z aksini topadi. Bu munozaraning mazmuni shundan iborat ediki, ba’zi qadimgi grek faylasuflari predmetlar bilan ularni anglatuvchi so’zlar orasidagi bog’lanish tabiat tamonidan berilgan, tabiiy va zarur bo’lgan hodisalar deb hisoblar edilar. Shunga ko’ra barcha mavjudodlarning tabiat tamonidan berilgan o’ziga munosib keladigan to’g'ri nomlari bor.

So’zlarning “to’g'riligi” haqidagi munozara Platonning “Kratil” nomli asarida yaxshi ko’rsatilgan. Bu asarda ikki suhbatdosh orasidagi berlashuv beriladi. Kratil aytadiki, grek tilida ham, varvarlar tilida ham bir ot predmetning o’ziga, tabiatiga mos va “ to’g'ri”dir.

Germogen, aksincha, otlarda hech qanday moslik, “to’g'rilik” yo’q, balki odat bor halos deydi. Bu masala bo’yicha Sakratning fikrini so’rashadi. Sakrat “ so’zlar ham o’zlari anglatgan narsalarga muofiq bo’lishlari kerak, ular boshidayoq to’g'rilikka ega, har kim yangi so’zlarnin yarata olmaydi” deb aytadi. Sakratning fikricha, ayrim harflar biron sifatga taqlit qiladi yoki biron hususiyatni ifodaydi. Shunga ko’ra ot bilan predmet orasida moslik yuzaga keladi. Sakratning aytishiga qaraganda, masalan r(g) tovushi harakatni, l-tovushi esa yumshoq va silliq narsani (leios-silliq) ifodalaydi. Qadimgi grek falsafiy oqimlaridan biri bo’lgan stoitsizm Afinadagi hukmron sinfning ideologiyasini ifodalagan. Stoiklar tilni kishilarning ruhida tabiat talabiga ko’ra paydo bo’lgan deyishgan, so’z predmetning tabiiy hususiyatini ifoda qiladi deb hisoblaganlar. Stoiklar shu printsip asosida tilning paydo bo’lishini tovushga taqlit qilib so’zlash nazariyasini oldinga surdilar. Ularning fikricha, so’zning tovush tarkibi bilan so’z anglargan predmet orasida qandaydir ichki o’xshashlik, moslik bo’lmagan tasavvur ham aks etgan. Masalan, shirin, yoqimli narsalarning nomlari ham mayin,

yumshoq eshitiladigan tovushlardan tuzilgan bo’ladi. Aksincha, achchiq, yoqimsiz narsalarning nomlari quloqqa yoqmaydigan, dag’al tovushlardan tarkib topgan bo’ladi. Shu talimot asosida stoiklar so’zlarning etimologiyasini izohlash masalasi bilan shug’ullanganlar. So’zlarning etimologiyasini izohlash maqsadida ular “ birlamchi so’zlarni” aniqlashga harakat qilganlar. Birlamchi so’zlar, ularning fikrisha tovushga taqlid qilish bo’lib, ayrim tovushlarga qandaydir ma’no berishga asoslangan edi.

Goyo til ma’no shunday dastlabki, boshlang’ich taqlidiy so’zlardan kelib chiqqan deb hisoblaganlar. Dastlabki taqlidiy so’zlar deb faraz qilingan qismlar radices, radix “ildiz” (o’zbekcha “o’zak”) nomi bilan atalgan.

So’z o’zagi deb- predmatning tabiatini,mohiyatini”ifodalaydigan ”harflarga tushunilgan.Bu qadimgi grek nazariyasi tilshunoslikka so’nggi asrlargacha katta ta’sir ko’rsatdi.Qadimgi Gretsiyaning yirik materialist faylasuflardan Geraklit , Demakrit va boshqalar predmetlarning otlari tabiat tamondan berilgan emas degan fikrlarni bildirganlar. Demakrit o’z fikrining to’g'riligini tilda amonis va sinonim so’zlarning mavzudligi

bilan asoslagan edi. Chunki bir-biridan farq qiladigan narsalarning nomlari qanday qilib bir hil (omonim) bo’lishini yoki bir narsaning qanday qilib bir nesha oti (sinonim) bo’lishini moslik ta’limoti asosida izohlab bo’lmas edi. Keyinchalik stoiklarning muxolifi bo’lgan Erikur va uning tarafdorlari Demakritning fikrini qayta tiklab, so’zlar va predmetlar orasidagi bog’lanish tabiiy bo’lish muhim emas, chunki narsalarning mohiyati bilan ularning otlari orasida qarama-qarshilik juda ko’p deb hisoblaydilar. Tilning paydo bo’lishi haqida epikurchilar undov nazariyasini yaratdilar. Bu nazariyaga ko’ra til kishilarning o’z ruhiy holatlarini tovushlar orqali ifodalash ehtiyojidan kelib chiqqan. Til bilan obektiv bog’liq orasidagi, so’z bilan predmet orasidagi munosabat masalasida olib borilgan tortishuvlar eramizdan ilgarigi I asrlarda va eramizning I asrlarida ham davom etgan. Bu munozara analogistlar va anamalistlar deb atalgan qarama-qarshi maslakdagi kishilar orasida juda kuchli bo’lgan. Analogistlar tilning Grammatik qurilish va lug’at tarkibi bilan bog’liq orasida moslik, o’xshashlik, qat’iy tenglik bor deyilgan. Anamalistlar, aksincha, lug’at tarkibi va grammatik qurilish bilan

bog’liq orasida moslik yo’q degan fikrni ilgari surishgan. Qadimgi grek mutafakkirlari tilshunoslikning falsafiy tamonlari bilan bir qatorda filologik harakterdagi ishlarni ham bajardilar. Antik dunyo olimlarining filologiya sohasidagi ishlari qadimgi badiiy asarlarni izohlash, sharxlash ehtiyoji bilan chambarchas bog’langan edi. Masalan, Gomerning “ Iliada” va “Odissey” deb atalgan mashhur dastonlari eramizdan ilgarigi III-II asr greklariga u qadar tushunarli bo’lmagan. Chunki Gomer asarlarini qadimgi ion dialektida yozgan. Gomer davridan bir necha yuz yil keyin uning asarlariga, qisman Esxil, Sookl, Aristofan asarlariga Grammatik, leksikalogik izohlar berildi, lug’atlar tutildi.

Bunday lug’atlarga quyidagilarni kiritishimiz mumkin.

1.Eramizgacha I asrda yashagan Apolloniy Sadhest tuzgan Gomer poemolarining katta lug’ati.

2. Yuliy Polluksning “Onomastik” nomli atoqli otlarga izoh beruvchi lug’ati.

3. Vizantyalik Steoranning “Etnika” (“Halqshunoslik”) nomli etnografik lug’ati.