O‘zbekiston respublikasi oliy va o‘rta maxsus

44



Kompyuter resurslari fizik va dasturiy resurslarga bo‘linadi. Fizik resurslarga:

• 
  xotira;
  
• 
  vinchester;
  
• 
  monitor;
  
• 
  tashqi qurilmalar va boshqalar kiradi.
  

Dasturiy resurslar:

• 
  kiritish va chiqarishni boshqaruvchi dasturlar;
  
• 
  kompyuter ishlashini ta’minlaydigan boshqaruvchi dasturlar;
  
• 
  berilganlarni tahlil qiluvchi dasturlar, drayverlar;
  
• 
  virtual ichki va tashqi xotirani tashkil qiluvchi va boshqaruvchi dasturlar hisoblanadi.
  

Dasturlash tizimi — dasturlash tillari va ularga mos til protsessorlari majmuasidan, dasturlarga ishlov berish va sozlashni ta’minlovchi dasturlar to‘plamidan iborat. Dasturlash tizimini tashkil qiluvchilar (dasturlar) amaliy dasturlari to‘plami singari OT boshqaruvi ostida ishlaydi. Kompyuter resurslari OT boshqaruvi ostida bo‘ladi. OT ga ehtiyoj, resurslar taqsimoti va ularni boshqa- rish masalasi zaruriyatidan kelib chiqadi. Resurslarni boshqarish- dan maqsad, foydalanuvchiga kompyuterdan samarali foydalanish bilan birga resurslarni boshqarish tashvishidan ozod qilish.

OT quyidagi xususiyatlarga ega bo‘lishi talab qilinadi:

Ishonchlilik. OT o‘zi ishlayotgan qurilmalar bilan birga ishonchli bo‘lishi kerak. OT foydalanuvchi aybi bilan vujudga kelgan xatoni aniqlash, uni tahlil qilish va tiklanish holatida bo‘lishi kerak. OT foydalanuvchining o‘zi tomonidan qilingan xatodan himoyalashi, hech bo‘lmaganda dasturiy muhitda keltiriladigan zararni minimumga olib kelishi kerak.

Himoya. OT bajarilayotgan masalalarni o‘zaro bir-biriga ta’siridan himoyalashi kerak.

Bashorat. OT foydalanuvchi so‘roviga bashoratchilik bilan javob berishi kerak. Foydalanuvchi buyruqlari tizimda qabul qilingan qoidalar asosida yozilgan bo‘lsa, ularning ketma-ketligi qanday bo‘lishidan qat’i nazar natija bir xil bo‘lishi kerak.

Qulaylilik. Foydalanuvchiga OT ni taklif qilishdan maqsad resurslarni aniqlash va bu resurslarni boshqarish masalalarini yechishdan ozod qilishdir. Bu ishni inson psixologiyasini hisobga olgan holda loyihalash kerak.