O’zbеkiston Rеspublikasi Oliy va o`rta maxsus

Quyosh shamoli. Quyosh shamoli — quyosh tojining sayyoralar-aro bo'shliqdagi plazmadan iborat doimiy radial oqimidir. Uning tar-kibi, asosan, protonlardan iborat bo'lib, oz miqdorda geliy yadrosi, kislorod, kremniy, oltingugurt, temir ionlari mavjud. Ular Yer orbitasiga juda katta tezliklar bilan yetib kelishadi. Masalan, protonlarning tezligi 300—750 km/s ni tashkil qiladi. Yer atrofida quyosh shamoli zarralarining Yer geomagnit maydoni bilan to'qnashuvlari yer mag­nitosferasi oldidan statsionar zarba to'lqini frontini vujudga keltiradi. Natijada quyosh shamoli magnitosfera sirtidan go'yoki oqib o'tadi.
Quyosh shamolining yerga ta'siri. Umuman olganda magnitosfera quyosh shamolini Yerga qariyb o'tkazmaydi. Quyosh sha­molining asosiy qismi Yerdan o'n radius atrofidagi masofada joylashgan magnitopauzani aylanib o'tadi. Uni yorib kirgan yuzlab keV energiyali zarralarni esa magnit tuzoqlari, ya'ni magnitosferaning magnit maydoni tutib qoladi. Bu zarralar Yerning radiatsion belbog'ini tashkil qiladi. Shu bilan birga Yer magnit maydonining qutblarida yorug' (shaffof joy) mavjud bo'lib, unga quyosh shamolining zarralari kirishi mumkin. Bu zarralar qutb yog'dusini vujudga keltiradi.
Quyoshdagi chaqnashlar natijasida quyosh shamoli intensivligining o'zgarishi magnitosferadagi bo'ronlarni vujudga keltiradi. Natijada qutb yog'dusining kuchayishi, radiatsion belbog'da zarralar oqimining ortishi va Yer magnit maydonining o'zgarishi ro'y beradi.
Kosmik apparatlar yordamida o'rganish bir qancha boshqa sayyoralar: Merkuriy, Yupiter, Saturn, Veneralarda ham magnitosfera mavjudligini ko'rsatdi.
Dia-, para- va ferromagnetiklarning tabiati
Mazmuni: diamagnetiklar; paramagnetiklar; ferromagnetiklar; domenlar nazariyasi; Kyuri nuqtasi; gisterezis.
Diamagnetiklar. Diamagnetiklarning ko'pchilik atomlari xususiy magnit momentlariga ega bo'lmay, ularning magnit momentlari tashqi maydon ta'sirida vujudga keltiriladi.
Diamagnetikning xususiyatlari temperaturaga bog'liq emas, chunki atomlarning issiqlik harakatlari atom ichida vujudga kelgan toklarning yo'nalishlarini buza olmaydi. Diamagnetik effekt barcha moddalarga xos xususiyatdir. Diamagnetiklarning tipik vakillari sifatidasuv, marmar, oltin, mis, simob va inert gazlarni keltirish mumkin.