O‘zbekiston respublikasi oliy va o‘rta maxsus ta’limi vazirligi denov tadbirkorlik va pedagogika instituti

Takrorlash uchun savollar

1. 
   Patent, litsenziya va sertifikat tushunchalarini izohlab bering?
   
2. 
   Patent, litsenziya va sertifikat olish uchun shartnoma tuzish shartlari?
   
3. 
   Patent, litsenziyalarni chet yelda patentlashga qo‘yiladigan talablar?
   
4. 
   Sanoat mulkini va xizmatlarni chet yelda patentlashning sababi va vazifasi.
   

14-Mavzu. Sanoat namunalari va seleksiya yutuqlari innovatsion rivojlanish ob’ekti sifatida

Reja:
14.1. O‘zbekiston Respublikasini “Seleksiya yutuqlari to‘g‘risida”gi Qonun va uning ahamiyati.

14.2. Seleksiya yutuqlari. O‘simlik turlari va navlari, hayvon zotlari va ularga qo‘yiladigan talablar.
14.3. Sanoat namunalari. Sanoat namunasining patentga layoqatlilik shartlari.
14.4. Sanoat namunasiga talabnomalarning tuzilishi va patentlash tartibi.
14.5. Sanoat tovar belgilarining turlari va ularga talabnoma tuzish.


14.1. O‘zbekiston Respublikasini “Seleksiya yutuqlari to‘g‘risida”gi Qonun va uning ahamiyati
O‘zbekiston Respublikasining “Seleksiya yutuqlari to‘g‘risida”gi qonuni 30.08.1996-yilda qabul qilingan. Ushbu Qonunning maqsadi seleksiya yutuqlarini yaratish, huquqiy muhofaza qilish va ulardan foydalanish sohasidagi munosabatlarni tartibga solishdan iborat.
Qonunda quyidagi asosiy tushunchalar qo‘llaniladi:
Zot – genetik jihatdan o‘zaro bog‘liq biologik va morfologik xususiyatlari hamda belgilariga qarab aniqlanadigan hayvonlar (shu jumladan parrandalar, hasharotlar, ipak qurti) yoki ularning duragaylari guruhi bo‘lib, bu xususiyatlar hamda belgilarning ayrimlari aynan shu guruhga xos bo‘ladi va uni hayvonlarning boshqa guruhlaridan farqlab turadi. Zot guruhi, zot ichidagi (zonal) tip, zavod tipi, zavod liniyasi, zot oilasi, partenoklonlar, liniyalar, duragaylar zotning muhofaza qilinadigan obektlaridir;
Ish beruvchi – seleksiya yutug‘ini yaratish to‘g‘risida topshiriq bergan va bu topshiriq bajarilishini moliyalashtirayotgan yuridik yoki jismoniy shaxs;