O‘zbekiston respublikasi oliy va o‘rta maxsus ta’limi vazirligi denov tadbirkorlik va pedagogika instituti

Takrorlash uchun savollar

1. Innovatsion jarayon, g‘oyalarni murakkab zanjirini ifodalab bering.

2. Innovatsion faolyatga ta’sir etuvchi asosiy omillarni ko‘rsatib bering.
3. Innovatsion faoliyatni bashqarishni qanday qonuniyatlarini bilasiz?
4. Innovatsion jarayonni amalga oshirish xususiyatlarini sharxlang.


8-Mavzu. Ilmiy texnika taraqqiyoti va uni boshqarish

Reja:
8.1. Ilmiy texnika taraqqiyotini boshqarishning davlat siyosati, mohiyati va uning bosh maqsadi.

8.2. Ilmiy texnika taraqqiyotini boshqarishning huquqiy asoslari va innovatsion siyosat yo‘nalishlari.
8.3. Ilmiy-tadqiqot va innovatsion faoliyatni boshqarish mexanizmi.
8.4. Xalqaro ilmiy tadqiqot ishlari va ularning huquqiy muhofazasi.


Tayanch iboralar: ilmiy tadqtqot, ilmiy texnika, innvatsion faoliyat, imtiyoz, strategiya


8.1. Ilmiy texnika taraqqiyotini boshqarishning davlat siyosati, mohiyati va uning bosh maqsadi
Zamonaviy sharoitlarda innovatsion faoliyatni me’yoriy-huquqiy tartibga solish quyidagilarni ta’minlashi lozim bo‘lgan qonunlar va me’yoriy hujjatlar ishlab chiqish va joriy qilishni nazarda tutadi:
1) innovatsion faoliyat mahsulotlarini sotishdan olingan foyda va mablag‘larning bu ulushini imtiyozli soliqqa tortish hisobiga davlat, jamoat tashkilotlari, korxonalar va xususiy shaxslar o‘z daromadlarining sezilarli qismini innovatsion faoliyatga kiritishdan manfaatdorligi;
2) kooperatsiya bo‘yicha barcha hamkorlar va qatnashchilarning innovatsion g‘oyani tovar ko‘rinishigacha yetkazish va soliq to‘lovlarini kamaytirish yoki soliqlardan ozod qilish hisobiga ularni bozorda tijorat asosida sotish;
3) innovatsion faoliyat qatnashchilarining kafolatlangan va imtiyozli kredit olish imkoniyati;
4) ilmiy jamoalarning ham, alohida olimlar va mutaxassislarning ham intellektual mulk huquqlari himoya qilinishini ta’minlash;
5) innovatsion jarayon qatnashchilari va ijrochilarining ham, bu jarayonlarni moliyalashtiruvchi investorlarning ham sug‘urta himoyasi va umume’tirof etilgan ijtimoiy maqomini ta’minlash.