O‘zbekiston respublikasi oliy va o‘rta maxsus ta’limi vazirligi denov tadbirkorlik va pedagogika instituti

Ta’lim sohasida:
Milliy kadrlar tayyorlash tizimining siyosiy maqsadlaridan kelib chiqib, yangi avlod kadrlarini tayyorlashning xalqaro hamkorlik aloqalari yo‘lga qo‘yildi. Endilikda bu aloqalarni miqdor va sifat jihatdan yangi bosqichga olib chiqish lozim.
Birinchidan, oliy ta’lim muassasalari bitiruvchilari bandligi to‘liq ta’minlanmagan.
Buning sabablari:
ish beruvchilar bilan hamkorlik aloqalari, xususan, kadrlar tayyorlash yo‘nalishlarini tanlash, tashkil etish va bitiruvchilar bandligini ta’minlash bo‘yicha shartnoma munosabatlari qiyinchiliklar bilan o‘rnatilayotganligi, bunda ish beruvchi korxona, tashkilot va muassasalarning yetarlicha faolligi ta’minlanmagan;
hududlar (viloyatlar va tumanlar) kesimida oliy ta’lim muassasasini tugatayotgan yosh mutaxassislarni ishga taqsimlash va yo‘llash mumkin bo‘lgan potensial ish beruvchi korxonalar, tashkilotlar va muassasalardagi bo‘sh ish o‘rinlari (oliy ma’lumotli kadrlarga bo‘lgan ehtiyojlar) haqida ma’lumotlar aniq va vaqtida olinmaydi;
oliy ta’lim muassasalari bitiruvchilarini ishga joylashtirishda hokimiyatlar, mehnat va aholini ijtimoiy muhofaza qilish boshqarmalari (bo‘limlari), savdo-sanoat palatasi, agentliklar, mehnat birjalari, ishonchli vakillar kabi yordamchi-vositachilik tuzilmalarining imkoniyatlaridan yetarlicha foydalanilmayotir.
Ikkinchidan, oliy ta’lim muassasalari bitiruvchilari bandligini ta’minlashda manfaatlar muvozanati asosida ijtimoiy sheriklik va hamkorlik munosabatlarini huquqiy tartibga solishning muhimligi.
Buning ortida:
oliy ta’lim xizmatlari iste’molchilari - potensial ish beruvchi korxonalar, tashkilotlar va muassasalar to‘g‘risida ma’lumotlar bankini yaratish zarurati;
ish beruvchi korxona, tashkilot va muassasalarning bakalavriat yo‘nalishlari va magistratura mutaxassisliklari bo‘yicha kadrlarga bo‘lgan joriy va istiqboldagi ehtiyojlarini doimiy ravishda aniqlab borish ehtiyojlari;
potensial ish beruvchilarga taqdim etish maqsadida bitiruvchilar haqida ma’lumotlar bankini shakllantirish;
ish beruvchi korxonalar, tashkilotlar va muassasalar bilan kadrlar tayyorlash, ularni ishga taqsimlash va joylashtirish bo‘yicha o‘zaro hamkorlik shartnomalarini tuzish mexanizmini takomillashtirish va huquqiy asoslash;
ommaviy axborot vositalari (gazetalar, jurnallar, radio-televidenie, elektron aloqa) orqali bitiruvchilar to‘g‘risidagi ma’lumotlarni e’lon qilib borish, veb-saytlarga joylashtirish;
potensial ish beruvchi korxona, tashkilot va muassasalar ishtirokida bo‘sh ish o‘rinlari (mehnat) yarmarkalarini ko‘proq o‘tkazish.