O`zbekiston respublikasi oliy va o`rta maxsus ta`lim vazirligi zahiriddin muhammad bobur nomidagi andijon davlat universiteti axborot texnologiyalari va kompyuter injineringi fakulteti

3. Amaliyot natijalarini yakunlash
3.1. Amaliyot yakunida talaba yozma ravishda hisobot tayyorlaydi va uni bevosita amaliyot ob`ektidan tayinlangan rahbar imzolagan kundalik daftar bilan birga oliy ta’lim muassasasidan tayinlangan rahbarga topshiradi. Hisobot talabaning amaliyot davrida bajargan muayyan ishlari to`g`risidagi ma`lumotlar, amaliyot ob’ekti bo`limlarining qisqacha izohi (sex, bo`lim, laboratoriya va boshqalar), ular faoliyatining tashkil qilinishi, hayot faoliyatining xavfsizligi to`g`risida masalalar, amaliyot natijalari bo`yicha xulosa va takliflarni o`z ichiga olishi lozim.

3.2. Amaliyot yakunida talaba o`z hisobotini oliy ta’lim muassasasi tomonidan tayinlangan komissiya oldida himoya qiladi. Komissiya tarkibiga o`tilayotgan amaliyot fanini olib boruvchi o`qituvchi, oliy ta`lim muassasasi tomonidan biriktirilgan rahbar va amaliyot ob’ektidan tayinlangan rahbar ham kiritiladi. Amaliyot natijasi bahosi talabaning kursdan kursga o`tishi va stipendiya belgilashda hisobga olinadi. Amaliyot yakuni amaliyot ob`ektining ishlab chiqarish kengashida muhokama qilinadi. Oliy ta`lim muassasasining tegishli fakulteti ilmiy-uslubiy kengashida amaliyotning natijalariga yakun yasaladi.

3.3. Amaliyot dasturini bajarmagan, ishi haqida qoniqarsiz taqriz yoki hisobot himoyasida qoniqarsiz baho olgan talaba ta`til vaqtida o`z hisobidan qayta amaliyot o`tishga jo`natiladi. Ayrim hollarda, bunday talabaning kelgusida o`qishni davom ettirishi mumkinligi masalasi rektor tomonidan ko`rib chiqiladi.
4. Yakuniy qism
4.1. Talabalarning Ishlab chiqarish amaliyot vaqtida ish kunining davomiyligi ma`lum mutaxasisslik uchun o`quv rejasida ko`zda tutilgan ishlab chiqarish ta`limi uchun ajratilgan xaftalik vaqt hisobidan chiqariladi va qonunchilikda belgilangan ish kunining davomiyligidan oshmasligi lozim.

4. 2. Ishlab chiqarish amaliyoti loyiha-tadqiqot tashkilotlarida mehnatning tashkil etishni shakliga qarab, belgilangan miqdordagi talabalar guruhi tarkibida, mustaqil xodim o`rnida o`tkaziladi. Talabalar Ishlab chiqarish amaliyoti davrida loyiha–tadqiqot tashkilotlari xodimlari ro`yxatiga kiritilmaydilar.

4.3. Amaliyotni o`tash davridagi talabalar Ishlab chiqarish amaliyoti bilan bog`liq baxs va kelishmovchiliklar amaldagi qonunchilikka asosan hal qilinadi.

Ushbu ishlab chiqarish amaliyoti dasturida 5320300 - “Texnologik mashinalar va jihzlar” bakalavr yo`nalishi 3-kurs talabalari uchun quyidagi ishlar ko`zda tutilgan.