O’zbеkiston rеspublikasi oliy va o’rta maxsus ta’lim vazirligi

Elektron pochta orqali munosabatlar tartibi

Professor-o’qituvchi va talaba o’rtasidagi aloqa elektron pochta orqali ham amalga oshirilishi mumkin, telefon orqali baho masalasi muhokama qilinmaydi, baholash faqatgina institut hududida, ajratilgan xonalarda va dars davomida amalga oshiriladi. Elektron pochtani ochish vaqti soat 15.00 dan 20.00 gacha

I. Fanning mazmuni “Avtomobillar va traktorlar konstruksiyasi” fani Avtomobillar va traktorlarning tuzilishi va ishlashi masalalarini o‘rgatadi, ya’ni qishloq va xalq xo‘jaligida ulardan foydalanish ko‘nikmalarini beradi. Dasturni o‘zlashti­rish­da o‘quv rejasida rejalashtirilgan matematik va tabiiy (Oliy matematika, Fizika, Nazariy mexa­nika), umummuhandislik (Chizma geometriya va muhandislik grafikasi, Konstruksion materiallar texnologiyasi, Materialshunoslik, Materiallar qarshiligi, Mexanizm va mashinalar nazariyasi, Iqtisod, Sanoat dizayni va badiiy konstruksiyalash,) fanlaridan yetarli bilim va ko‘nikmalarga ega bo‘lish talab etiladi. Yo’nalishning o’ziga xos xususiyatlari dasturni interaktiv usullarda o’zlashtirishni taqazo qiladi. Bunda asosiy e’tibor auditoriya mashg’ulotlarida va mustaqil tayyorgarlikda o’zlashtiriladigan, chuqurlashtiriladigan nazariy bilimlarga hamda ob’ektiv jarayonlar va hodisalarga nisbatan dunyoqarashni shakllantirishga qaratiladi; dunyoqarashni shakllantirishda ma’ruza mashg’ulotlariga katta o’rin ajratiladi. Mustaqil tayyorgarlik jarayonida talaba texnikaviy adabiyotlar, Internet materiallari va me’yoriy xujjatlar bilan ishlashni uddalashni namoyon qilishi, auditoriya mashg’ulotlari paytida qabul qilgan informastiyasini to’g’ri mushohada qilish qobiliyatini ko’rsatishi zarur. Fanni o‘qitishdan maqsad — Avtomobillar va traktorlar va h.k.larning tuzilishi va ishlashi bo‘yicha yo‘nalish profiliga mos, malaka talablarida talab qilingan bilimlar darajasini ta’minlashdir. Fanning vazifalari – issiqlik dvigatellari haqida tushuncha; IYoD umumiy tuzilishi va ishlash prinsipi; krivoship-shatunli mexanizm; gaz taqsimlash mexanizmi; IYoDlarning ta’minlash tizimi; benzinli dvigatellarning ta’minlash tizimi; dizel dvigatellarining ta’minlash tizimi; gazsimon yonilg‘ida ishlaydigan dvigatellarning ta’minlash tizimi; IYoDlarni sovitish tizimi; IYoDlarni moylash tizimi; traktor va avtomobillarning transmissiyalari; ilashish muftalari; uzatmalar qutisi; kardanli uzatma; yetakchi ko‘prik; yurish qismining klassifikatsiyasi; osma; rul boshqarmasi; tormoz tizimi; kuzov; qishloq xo‘jalik mashinalari konstruksiyalari; traktor va qishloq xo‘jalik mashinalarining hozirgi holati va ularning rivojlanish istiqbollari masalalarini talabalar o‘zlashtirishidir.