O’zbekiston respublikasi oliy va o`rta maxsus ta`lim vazirligi

Motivasion xislatlarga egalik. Kasbiy faoliyatni samarali tashkil etishga undovchi ko‘nikma va malakalarni shakllantirish.

Intellektual salohiyatga egalik. Fikrlash, erudisiya, sezgirlik, ziyraklik, bashorat qila olish, kuzatuvchanlik, tasavvur, ijodkorlik malakalarini shakllantirish.

Irodaviylik. O‘zaro muloqotda chidam, faoliyatni amalga oshirishda, maqsadlarga erishishda, o‘zligini rivojlantirish.

Hissiylik. Ta’lim oluvchilarning o‘y-kechinmalari, o‘quvchilarning yosh-fiziologik xususiyatlarini e’tiborga olish, hamfikrlik va ruhiy muhitni boshqara olish.

Qobiliyatlilik. Muayyan faoliyat yuzasidan layoqatlilik va ishni muvaffaqiyatli bajarishdagi o‘ziga xos imkoniyatlarga egalik ko‘nikma va malakalarini shakllantirish.

O‘z-o‘zini takomillashtira olishlik. O‘z faoliyatini tahlil qilish va baholash, o‘z individualligini rivojlantira olish.

Global fikrlashga egalik. Intellektual, hissiy, jismoniy, axloqiy va ruhiy xususiyatlarni rivojlantirish.

Tashkilotchilik. Faoliyatni boshlab berish, tashkil etish, uyushtirish yoki rahbarlik qilish.

Intizomlilik. Muayyan xulq-atvor va tartib-qoidalarga hurmat hissi bilan qarash va unga amal qilish.

Tashabbuskorlik. Mehnat jamoasida kasbiy faoliyat doirasida ularni rivojlantirishga va takomillashtirishga qaratilgan g‘oyalar bilan chiqish.

Boshqaruvchanlik. Kasbiy faoliyat jarayonini idora qilish, yo‘l-yo‘riq ko‘rsatish, o‘rnak ko‘rsatish, natijalarni tahlil qilish va baholash ko‘nikma va malakalarini shakllantirish.

Mehnatsevarlik. Kasbiy qiziquvchanlik, ijtimoiy faollik, tirishqoqlik, intizomlilik, qat’iyatlilik, tashabbuskorlik, jo‘shqinlik kabi kasbiy sifatlarni oshirish.

Qiziquvchanlik. Kasbiy yetuklikka erishish, insonning tanlagan kasbi bilan bog‘liq bo‘lgan ehtiyojlarining hissiy namoyon bo‘lishi.