O‘zbekiston respublikasi oliy va o‘rta maxsus talim vazirligi

Konstruktiv qism

Loyixalanadigan bino karkassiz konstruktiv sxema asosida loyixalangan bo‘lib, binoning asosiy yuk ko‘taruv konstruksiyalari, yani yuk ko‘taruvchi devorlari mayda o‘lchamli g‘isht-tosh elementlardan tashkil topgan. Binoning bo‘ylama yo‘nalishdagi yuk ko‘taruv devorlari A, B va V bo‘ylama o‘qlar bo‘yicha, ko‘ndalang o‘zining og‘irligini qabul qiluvchi devorlari esa 1,2,3,4 va x.k. ko‘ndalang o‘qlar bo‘yicha joylashtirilgan. Binoning bikrligi poydevorlarning ustki qismidan to‘lig‘icha 300 mm qalinlikda aylantirib quyib chiqilgan yaxlit temirbeton zilzila belbog‘lari, binoning poydevoridan oxirgi qavat orayopmasi balandligida 150-200 mm qalinlikda quyilgan tik yo‘nalishdagi temir beton zilzila belbog‘lari, qavatlararo balandlikda bo‘ylama yo‘nalishda joylashtirilgan orayopma plitalari va ularni bir-biri bilan bog‘lovchi 160-250mm qalinlikda quyilgan temir beton zilzila belbog‘lari yordamida saqlanadi.
Loyixalanayotgan binoning asosiy konstruktiv elementlari kuyidagilardan tashkil topadi:
a) Poydevorlar
Loyixalanayotgan binoda tasmali temirbeton konstruksiyalardan loyixalangan bo‘lib, bazi bir qismlarda ularni kuchlantirish va mustaxkamligini oshirish maqsadida temirbeton yaxlit tarzda ishlangan. Umuman olganda poydevor konstruksiyasi yig‘ma va yaxlit, yani aralash tarzda loyixalangan.
Poydevor kontruksiyasi uchun seriya I.II2-I bo‘yicha tasmali poydevorlarning F6, F8, F10, F12, F14, F16, F18 va F20 markali, uzunligi 1180-2380mm, eni 600-2000 mm, balandligi 3000 mm bo‘lgan to‘shama plitalari, poydevor bloki sifatida esa FS 5 va FS 5-8 markali, eni 500mm uzunligi 2380mm va 780mm balandligi 600mm li bloklar qo‘llanilgan. Poydevor tushamalari va poydevor bloklari o‘zaro kesishmagan choklar usuli bilan terilgan. Poydevor to‘shamalarini o‘rniga o‘rnatishdan oldin poydevor to‘shamalari o‘rnatiladigan grunt tarkibi mayda qum toshli maxsulotlarni kiritib shibbalash yo‘li bilan mustaxkamlangan. Bloklar to‘shamalariga va o‘zaro bir biriga terish uchun buylama va ko‘ndalang choklar 200 markali sement kumli qorishmadan ishlangan.