O`zbekiston respublikasi oliy va o’rta maxsus ta’lim vazirligi

Qog’ozdan narsalar yasash.
Qog’ozdan narsalar yasashda borgan sari murakkabroq buyumlarni yasash qoidasiga rioya qilinishi kerak.Bolalar dastlabki ko’nikmalar hosil qilgunlaricha bu mashg’ulotlarni bir qancha vaqt har haftada o’tkazib turish maqsadga muvofiqdir. Bolalar qog’ozni buklash, qiyish va yopishtirishning oddiy usullarini o’rganib olganlaridan so’ng, bu mashg’ulotlarni kamroq – oyida bir-ikki marta o’tkazish mumkin.Qog’ozdan har xil narsalar yasash, qurish mashg’ulotlari ham boshqa mashg’ulotlar singari guruh bilan o’tkaziladi. Tarbiyachidan butun mashg’ulotni: usul va namunalarni qanday ko’rsatish; ko’rsatish bilan bog’liq bo’lgan tushuntirish ishlarini puxta o’ylab ko’rish talab qilinadi. Bolalar shunday o’tirishi kerakki, tarbiyachining ko’rsatayotgan narsalarini hammalari yaxshi ko’ra oladigan, tushuntirishlarini yaxshi eshita oladigan bo’lsin.
Ish uchun zarur bo’lgan materiallarni; qurilish andazasini, rangli qog’ozlarni, yelimni, mo’yqalamni, qaychilarni oldindan tayyorlab qo’yish lozim.
Bolalarning qurish-yasash materiallarini farqlash va nomlarini bilishga oid layoqatlarini rivojlantirishni davom ettirish, bolalarga qurish-yasash jarayonida ushbu materiallarning qurish-yasash xususiyatlarini hisobga olib foydalanishni o’rgatish.Qurish-yasash namunalarini tahlil etish, asosiy qismlarini farqlash, ularning katta-kichikligi va hajmiga moslab uyg’unlashtirishni bilish. Qog’ozdan konstruksiyalar hosil qilishga o’rgatish (qog’oz varog’ini qoq o’rtasidan buklab, ikki chetini bir-birining ustiga tekis qilib ustma-ust qo’yish, shaklning asosiy qismiga detallarni yopishtirish, tabiiy material (butoq, yaproq, tuxum po’chog’i) dan yelim yoki plastilin yordamida yopishtirish yo’li bilan turli konstruksiyalar hosil qilish.Bolalarni o’yinchoq hajmiga muvofiq qurish-yasash ishlarini amalga oshirishga va ularni o’ynashga o’rgatish.( Ayiqcha uchun yotoq joyi).
Savol va topshiriqlar:
1.O’rta guruhda qurish-yasashga o’rgatishning qanday usullari bor?
2.Qurish-yasash turlarini aytib bering.
3.Qurish-yasashga o’rgatishning dastur mazmunini aytib bering.