O`zbеkiston rеspublikasi oliy va o`rta maxsus ta’lim vazirligi

 
290-mashq
. Berilgan so`zlarni uslubiy xususuyatiga ko`ra guruhlarga ajratib, jadval 
kataklariga yozib chiqing. 
Maroqli, tabiat, jamiyat, gullamoq, to`nonini ters kiymoq, mingta, harakat, 
harakatchan, orzu-havasli, ehtirom, ta’sir, to`satdan, ta’zit, ko`rsatmoq, tonna, 
yaratmoq, yuqori navli, jilmaydi, sersavlat, hashamatli, molekula, electron, xullas, 
tajriba-sinov, haqiqat, oddiy, eruvchanlik, mahmadona, ko`rsatilgan muddatda, 
foyda-zarar, kirim-chiqim, mushtariy, qo`llab-quvvatlamoq, man qilinadi, 
so`raladi, matonatli, jamol, latif, bildirgi, naynov. 
Sozlashuv 
uslubi 
Badiiy uslub 
Publitsistik 
uslub 
Ilmiy uslub 
Rasmiy uslub 
291-mashq.
So`zlarning sinonimik qatorini o`qing va yanada kеngaytirgan holda 
daftaringizga yozib chiqing.

---

Kishi – odam, fakt – dalil, kishilik – insoniyat, turmush – hayot, affiks - 
qo`shimcha, unum – hosil, satirik – hajviy, bilim – ilm, o`qituvchi – muallim, 
bildirish – e'lon, yig`ilish – majlis, qarindosh – urug`, el – xalq, sotsial – ijtimoiy, 
tomon – taraf, kuchsiz – zaif, nеgiz – asos, aniq - konkrеt, qal'a - qo`rg`on, yog`du 
– nur, yozuv – xat, payt – vaqt, quyosh – oftob, ko`k – osmon, bahor – ko`klam, 
tovush – ovoz, analiz – tahlil.
292-mashq
. Berilgan matn qaysi uslubga xosligini aniqlang, har birining o`ziga xos 
xususiyatlarini tushuntiring. 
1.Buyuk bobokalonimiz Alisher Navoiy 1441-yilda tug`ilgan. 2.Hozirgi 
kunda milliy xalq hunarmandchiligiga katta e’tibor berilmoqda. 3.Suv qahr bilan 
uning biqiniga urilib shovullar, boshidan oshib otganday bo`lar, lekin tog`day 
gavdasini qimirlata olmas edi. 4.Bir bor ekan, bir yo`q ekan, qadim zamonda, 
Mashriq tomonda, bir chol bilan kampir yashar ekanlar. 5.Menga bir oy muddatga 
o`z hisobimdan ta’til berishingizni so`rayman. 6.Non rizq-u ro`zimiz, uning 
ushog`ini ham uvol qilmang. 7.Qovun navlari xilma-xil bo`lib, ularga nom berishda 
mazasi, rangi, to`rlarining tuzilishi, pishish muddati kabi belgilardan kelib chiqiladi. 
8.Men bir mashina “Obinovvot” navli qovunni Jizzax viloyatidan olib kelib, 
Toshkent shahridagi “Farhod” bozoriga tushirganimni ma’lum qilaman. 9.Oh, oh, 
oh! Hidini qarang, hidini! Hidining o`zi ham mast qiladi odamni! 10.Navro`z – kun 
bilan tun teng keladigan kun. 
293-mashq
. Berilgan gaplar ilmiy uslubning qanday turlarida qo`llanishini izohlang. 
1.Kitob kichik yoshdagi o`quvchilar uchun mo`ljallangan. Unga qiziqarli 
hikoyalar, topishmoqlar, bolalarning nutqini o`stirish ucun tez aytishlat ham 
kiritildi. 2.Har qanday so`z ma’lum bir lug`aviy ma’noni bildiradi. Bu uning shaxs, 
narsa-buyum, belgi-xususiyat, harakat-holatni atash ma’nosi bo`lib, so`zlar shunga 
ko`ra turkumlarga guruhlanadi. Ularning har biri gapda o`ziga xos vazifalarni 
bajaradi. 3.Ish kirish, 4 bobdan iborat asosiy bo`lim, umimiy xulosalar va 
foydalanilgan adabiyotlar ro`yxatidan iborat. Shuningdek, ishga tajriba-sinov 
materiallari ham ilova qilinadi. 4.Keltirilgan misollardan ko`rinadiki, masalaning bu 
jihatlari hali o`rganilmagan.