O„zbekiston respublikasi oliy va o„rta maxsus ta’lim vazirligi

O„ZBEKISTON RESPUBLIKASI

OLIY VA O„RTA MAXSUS TA’LIM VAZIRLIGI

Mirzo Ulug„bek nomidagi

O„zbekiston Milliy universiteti

O„zbek filologiyasi fakulteti

Ibrogimova Dildora Usmonjon qizi

Fitrat dramalaridagi frazemalarning
semantik tahlili

Bitiruv malakaviy ishi

Ilmiy rahbar: f.f. doktori, prof. Z.T.Xolmanova

Toshkent - 2014

Mundarija

KIRISH

Prezidentimiz Islom Abdug„aniyevich Karimov ta’kidlaganlaridek: “...o'zlikni anglash milliy ong va tafakkurning ifodasi, avlodlar o„rtasidagi ruhiy- ma’naviy bog„liqlik til orqali namoyon bo„ladi. Jamiki ezgu fazilatlar inson qalbiga, avvalo, ona allasi ona tilining betakror jozibasi bilan singadi.Ona tili bu millatning ruhidir.”¹

Adabiyot beqiyos ma’naviy merosdir. Uni o„rganish anglash, mag„zini chaqib, hayotiy xulosalar chiqarish, ayniqsa, yoshlar tarbiyasida katta ahamiyatga ega bo„lsa, uning tili, ijodkorning o„z ona tilidan qay darajada foydalanish mahoratini tahlil qilish ham ma’naviy yuksalish uchun muhim omil hisoblanadi. Chunki asar tilini o„rganish jarayonida bevosita til tarixiga murojaat qilinadi, so„z ma’nolari tahlil qilinadi, asar tiliga mansub bo„lgan maqol va iboralar, hikmatli so„zlar bilan ham tanishib chiqiladi. Har bir asarning badiiy xususiyatlarini o„rganish, uning g„oyaviy mazmunini yoritish bevosita asar tili bilan bog„lanadi. Zero,ustoz Ozod Sharafiddinov “Adabiyot tildan boshlanadi” deganlarida ming bora haq edilar.

O„zbek tili boy imkoniyatlarga ega til hisoblanadi, tilimizning o„ziga xos xususiyatlari ko„pgina allomalar tomonidan e’tirof etiladi.Tilimizning tasviriy ifodalarga boyligi, bo„yoqdorligi adabiy asarlar tilida namoyon bo„ladi. Shunday ekan badiiy asar tilini o„rganish badiiy asarning qimmatini belgilashi bilan birga tilning o„ziga xos jozibali tomonlarini ham ochib beradi.