O'zbekiston respublikasi oliy va o'rta maxsus ta’lim vazirligi

Tayanch  iboralar:  Didaktika,  tamoyil,  sistema,  elementarlik,  motiv, 
YuNESKO, texnologiya. 
 
Bugungi kunning fizika  o’qituvchisi fizika fanidan mukammal bilimga ega 
bo’lishi  bilan  birgalikda  u  zamonaviy  o’qitish  qonuniyatlaridan  ham  chuqur 
bilimga  ega  bo’lish  zarur.  Fizikadan  o’quv  jarayonini  tashkil  etishda  didaktik 
qoyidalarga  amal  qiligandagina  o’qitish  samarali  bo’lishi  mumkin.  Ta’lim 
nazariyasi bilan didaktika fani shug’illanadi. Didaktika faniga birinchi bo’lib chex 
mutafakkiri Ya.A. Komenskiy asos soldi va o’zining  “Buyuk didaktika” (1630yil) 
asarini  yaratdi.  Keyinchalik  Didaktika  asoslari  J.J.  Russo,  I.G.  Pistolosum, 
V.Disterverg,  K.D.  Ushinskiylar  tomonidan  rivojlantirildi.  Didaktika  tomoyillari 
quyidagilar hisoblanadi.   
1.  Ta’limning ilmiyligi va elementarligi.  
2.  Ta’limning sistematikligi.  
3.   Nazariya bilan amaliyotning  birligi.  
4.   Ta’limning onglilik va ijodkorligi.  
5.   Ko’rgazmalilik.  

---

 
32 
6.   Ta’limning mustahkamlik tamoyili.  
 
Umumiy  o’rta  ta’lim  maktablarida  fizika  ta’limining  ilmiyligi  zamona 
talabidan  kelib  chiqib,  u  o’quv  dasturlarida  va  darsliklarda  o’z  aksini  topadi. 
Jamiyatning  rivojlanishi,  fizika  faninnig  kengayib  borishi  bilan  umumta’lim 
maktablarida  o’qitilayotgan  fizika  fani  mazmuni  ham  yangilanib  boradi.  Fizika 
fani  sohasida  yangi-yangi  kashfiyotlar  qilinmoqda,  ammo  ularning  barchasini 
maktab  dasturiga  kiritishning  imkoni  yo’q.  Shuning  uchun  fizika  fani  sohasida 
qilinayotgan  yangiliklarning  eng  muhimlari  tanlab  olinib  o’quvchilarning  yoshini 
e’tiborga olgan holda bayon etilishi lozim. Elementarlik deganda o’quv mavzusini 
siyqalashtirish,  yuzakilashtirish  deb  tushinmaslik  kerak,  o’quv  mavzusini 
ilmiyligini saqlab qolish bilan birgalikda, uni zamonaviy o’quv vositalari va usullar 
yordamida  o’quvchi  tushinadigan  tarzda  bayon  etish  lozim.  Tushinarlik  yoki 
elementarlik  tamoyilini  amalga  oshirish  uchun  o’qituvchidan  oddiydan 
murakkabga, konkret narsadan abstrakt narsaga o’tish, o’quvchilarning individual 
xususiyatlarini, ularning tayyorgalik darajasini hisobga olishni taqoza etadi.