O’zbеkiston Rеspublikasi Oliy va O’rta maxsus ta’lim vazirligi

Kirish

Milliy iqtisodiyot mamlakat iqtisodiyoti xo’jaliklari tarkibi, tarmoq va sohalarini qamrab oladi. Hozirgi kunda barcha mamlakatlarning dunyo iqtisodiyotidagi o’z o’rnini topishga, mustahkamlashga qaratilgan chora-tadbirlarini har kuni kundalik hayotimizda ko’rishimiz mumkin. Bunday chora-tadbirlarning asosiy maqsadi dunyoga o’z milliy iqtisodiyotidagi ahamiyatini ko’rsatib qo’yish va bundan o’z iqtisodining ravnaqini ta’millash, aholi farovonligini oshirishga e’tibor berishdir. Shu jumladan, O’zbekiston Respublikasi uzoq kutilgan Mustaqillikni qo’lga kiritgach eng dolzarb masalalardan biri sifatida Davlat Milliy Iqtisodiyotini tashkil etishni belgilab oldi. Bu yo’lda bozor iqtisodiyotiga o’tishning bosqichma-bosqich “O’zbek modeli” joriy etildi. Ushbu kurs ishi O’zbekiston respublikasining Milliy iqtisodiyotining mazmun-mohiyati, uning ahamiyati, tarkibiy tuzilishi va uning makroiqtisodiy vazifalari va ko’rsatkichlarini tushuntirib berishga qaratiladi. Milliy iqtisodiyotining barqaror rivojlanishini ta’minlash mamlakat iqtisodiy-ijtimoiy munosabatlariga, aholi turmush darajasini yaxshilash, iqtisodiy rivojlanishi uchun eng muhim omil bo’lib xizmat qiladi. Milliy iqtisodiyot bu rivojlangan mamlakatlarning rivojlanish omillarini ko’rsatib beradi, aksincha iqtisodiyoti qoloq mamlakatlarning rivojlanmaslik sabablarini aniqlashga yordam beradi. Milliy iqtisodiyotni tahlil qilish orqali uning tarmoq tarkibini o’rganish, nomutanosibliklarning oldini olish, rivojlanishdan orqada qolayotgan tarmoq va sohalarga e’tibor qaratib takomillashtirish, kelajakda amalga oshirish lozim bo’lgan vazifalarni belgilab olishga imkon yaratadi. Albatta milliy iqtisodiyotning qay darajada ekanligini ifodalovchi asosiy makroiqtisodi ko’rsatkichlar mavjud bo’lib, har yili hisoblanib yil yakunida sarhisob qilinadi. Ushbu natijalar asosida bir yillik amalga oshirilgan ishlar ma’lum bo’ladi hamda shuning asosida yana bir yillik amalga oshirish lozim bo’lgan vazifalar belgilanib olinadi. Iqtisodiy rivojlanish, eng avvalo, aholi farovonligini oshirishga xizmat qiladi. Butun jahon mamlakatlarida InsonTaraqqiyoti Indeksi bo’yicha reytingi hisoblab chiqiladi.Bu aholi turmush darajasini ifodalovchi ko’rsatkichlar asosida shakllantirilgan.