O‘zbekiston respublikasi oliy va o‘rta maxsus ta’lim vazirligi urganch davlat universiteti

Mashg‘ulot ishlanmalari 

 

1-mashg‘ulot. Mashg‘ulotning maqsadi. 

Bolalarni hikoya tuzishga o‘rgatish. Lug‘at va grammatika. I 

tovushini to‘g‘ri talaffuz qilishga o‘rgatish. 

Ko‘rgazmali  qurollar:  o‘yinchoqlar,  it,  ilon,  echki,  eshak 

kabilar.  

Mashg‘ulotning borishi: 

1.  Rasmlarni  olib  qo‘yib,  ularning  nomini  bolalar  bilan 

aytish. 

2.  It,  ilon,  echki,  eshaklarning  qanday  tovush  chiqarishini 

ayttirish.  It:  vov-vov,  ilon:  vish-vish,  echki:  me-e,  eshak:  i-ho-i-

ho  

3. Bu hayvonlar qayerlarda bo‘ladi? Nimalar yeydi? 

4. Siz shu hayvonlardan qaysi birini yoqtirasiz? 

“Echki va uning bolalari” yoki “Qo‘rqmas it” ertaklarini ham 

aytib berish mumkin: “Bir bor ekan, bir yo‘q ekan. Bir echkining 

bolalari  ko‘p  ekan.  U  o‘t  olib  kelgani  o‘rmonga  ketadi…” 

Tarbiyachi shu tariqa ertakni aytib beradi. So‘ngra ertak syujetiga 

mos rasmlarni ko‘rsatadi.  

Imkon  bo‘lsa,  “Echki  bolalari  va  bo‘ri”  o‘yinini  o‘ynashlari 

mumkin. Buning uchun echki va uning bolalari bilan bo‘ri alohida 

o‘tqaziladi.  Echkilar  o‘tloqda  yurganda  bo‘ri  kelib  qoladi.  Bo‘ri 

kelishi bilan echki bolalari qochib bekinishadi. 

Mashg‘ulot  davomida  bolalarga  “it,  ip,  igna,  til,  baliq,  behi, 

sabzi, lavlagi, echki, bo‘ri” so‘zlari takrorlattiriladi.