O’zbekiston respublikasi oliy va o’rta maxsus ta’lim vazirligi toshkent to’qimachilik va yengil sanoat instituti «Sanoat muhandisligi»

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
TOSHKENT TO’QIMACHILIK VA YENGIL SANOAT INSTITUTI


«Sanoat muhandisligi» kafedrasi


5320300 - «Texnologik mashinalar va jihozlar (to’qimachilik yengil sanoat)» bakalavr ta’lim yo’nalishi bo’yicha ta’lim olayotgan talabalar uchun


«Tarmoq mashinalarini ta’mirlash»
fanidan amaliy ishlarini bajarish bo’yicha


U s l u b i y k O’ r s a t m a


Namangan – 2022

«Tarmoq mashinalarini ekspluatatsiya qilish» fanidan amaliy ishlarni bajarish uchun uslubiy ko’rsatma 5320300 - «Texnologik mashinalar va jihozlar (yengil sanoat) » bakalavr ta’lim yo’nalishi bo’yicha ta’lim olayotgan talabalar uchun mo’ljallangan bo’lib, unda ularni bajarish bo’yicha ko’rsatmalar keltirilgan.

Ushbu uslubiy ko’rsatma 5320300 -«Texnologik mashinalar va jihozlar (yengil sanoat) » ta’lim yo’nalishi bakalavrlari uchun namunaviy dastur asosida yozilgan bo’lib, talabalarni TMT fanidan nazariy bilimlarini puxtalash bo’yicha ko’nikmalar hosil qilishga yordam beradi.
Tuzuvchilar: 1. Mamatqulov.O.T.-NamMTI “Sanoat muhandisligi” kafedra mudiri dotsent PhD
2. Majidov A.T.-NamMTI “Texnologik mashina va jihozlar” kafedrasi, PhD
3. Abduahatov M.M.- NamMTI “Sanoat muhandisligi” kafedrasi assistent.

Taqrizchilar: 1. Mansurov M –NamQI “TMJ” kafedrasi mudiri, t.f.n.

2. Burxanov A. –NamMTI, “TMJ” kafedrasi dotsenti, t.f.n.
NamMTI o’quv –uslubiy Kengashida muxokama etilgan va tasdiqlangan.

«_____» ________20__ y. _____- sonli bayonnoma.

1- Amaliy ish
NUQSONLI DETALLARNI TIKLASH USULLARINI TANLASH
Ishdan maqsad: Detallarni tiklash usullari bilan tanishish, ishdan chiqish sabablarini aniqlash. Ta’mirlash jarayonining texnologik sxemasini o’rganish.
Tarmoq mashinalarini ta’mirlash texnologiyasi
Tarmoq korxonalarida ta’mirlash texnologiyasi mexanik-ta’mirlash bo’limi xodimlaridan yuqori malaka, tezkor yechimlar qabul qilib, hamkorlikda ishlashni talab qiladigan, ko’p qirrali murakkab jarayondir. Ta’mirlash xizmati qismlarni tayyorlash, ularga mexanik ishlov berish, singan va yeyilgan qismlarni qayta tiklash, uskunalarni takomillashtirish, yangi uskunalarni montaj qilish, murakkab yig’ish-bo’laklash ishlarini amalga oshirish, uskuna va apparatlarni sozlash, ishga tushirish va boshqa vazifalarni amalga oshiradi.
Ta’mirlash texnologik jarayoni mashinalarni ta’mirlashga qabul qilish, bo’lak va qismlarga bo’laklash, qismlarni tozalash va yuvish, ularning keyingi ishlatishga yaroqliligini aniqlash, yaroqsizlarni tiklash va yangilarini tayyorlash, qismlarni jamlash va ularni yig’ish, ishlatish, sozlash va mashina yoki oqim chiziqlarini foydalanishga topshirishlarni o’z ichiga oladi.
Tarmoq mashina va apparatlarini ta’mirlash texnologiyasi ularni tashkil qilish tizimi bilan bog’liqdir. Ta’mirlashning sifati, narxi, va unga ketadigan vaqti, qismlar zaxirasi va aylanma fondini aniqlashda tizim muhim axamiyatga egadir. Har bir uskuna turiga qarab, samarali ketma-ketlikka ega bo’lgan o’zining ta’mirlash texnologiyasi qabul qilinadi. Masalan, paxta tozalash korxonalarida press qurilmasiga o’zining xususiyatiga qarab boshqa, jinlash uskunalariga boshqa ta’mirlash texnologiyalari qabul qilinishi mumkin. Ular ta’mirlashni maksimal mexanizasiyalashtirish, kam sonli yuqori malakali ta’mirlovchilarni jalb qilish, ta’mirlash sifatini oshishini va tannarxini kamaytirishga imkon beradi.