O‘zbekiston respublikasi oliy va o‘rta maxsus ta‘lim vazirligi toshkent davlat texnika universiteti

18.3. Neftni qayta ishlashning asosiy bosqichlari

Neftni qayta ishlash zavodiga kirib kelish paytidan boshlab, undan olinadigan neft mahsulotlari quyidagi asosiy bosqichlardan o‘tkaziladi:

1. 
   Neftni qayta ishlashga tayyorlash.
   
2. 
   Neftni birlamchi qayta ishlash.
   
3. 
   Neftni ikkilamchi qayta ishlash.
   
4. 
   Neft mahsulotlarini tozalash (18.3 – rasm )
   

18.3-rasm. Neftni qayta ishlaydigan zavodning texnologik oqimi (soddalashtirilgan sxema):
I – neftni qayta ishlashga tayyorlash; II – neftni birlamchi haydash; III – neftni ikkilamchi qayta ishlash; IV – neft mahsulotlarini tozalash

18.4– rasm.: Elektr usulda neftni tuzsizlantirish qurilmasining prinsipial sxemasi:
1,5-nasos; 2-qizdirgich; 3-tindirgich; 4-birinchi pog‘onadagi elektrdegidrotor; 6-ikkinchi pog‘ona elektrdegidrotor. I-xom neft; II-deemulgator; III-suvni tashlash; IV-ishqorli suvni uzatish; V-neftni tuzsizlantirish va suvsizlantirish.



18.5- rasm. Neftni ikkilamchi qayta ishlash metodlarining klassifikatsiyasi:
Neftni qayta ishlashga tayyorlash
Neftni qayta ishlashda qurilmalarni yuqori ish ko‘rsatgichlarini ta’minlash uchun uzatishdan oldin tarkibidagi tuzning miqdori 6 g/l va suvniki esa 0,2% dan yuqori bo‘lmasligi kerak. Shuning uchun neft qayta ishlash jarayoniga kirib kelgunga qadar qo‘shimcha holatda suvsizlantiriladi va tuzsizlantiriladi.
Tuzsizlantirishda elektrtuzsizlantirish qurilmasidan o‘tkaziladi (18.4.- rasm). Neft ikki oqim bilan nasoslar (1) yordamida isitgich (2) orqali haydaladi va u yerda qayta ishlangan bug‘ yordamida qizdiriladi.

Undan keyin unga demulgator qo‘shiladi va neft tindirgichga (3) kirib keladi va u yerda suvdan ajratiladi. Neftning tarkibidagi tuzlarni yuvishda ishqorli suvlar qo‘shiladi. Uning asosiy qismi birinchi pog‘onadagi elektr degidrotorlar yordamida ajratiladi. Neftni to‘liq suvsizlantirish ikkinchi pog‘onadagi elektr degidrotor yordamida amalga oshiriladi.